雖然做緊優惠，但係好多食物都可以叫，牛肉雞肉豬肉都可以叫㗎，因為朋友唔食牛肉，所以今日主要都係食豬肉同埋雞肉。
我自己最推介嘅就係呢個雞腿肉，因為食落好嫩滑，雖然佢係冇調味，但係雞肉味好濃，而且完全唔會有雪藏味，鍾意食辣嘅落少少辣粉已經好好食啦。
雖然朋友唔食牛，但係我自己都試咗個牛胸爽，食落真係好出色，牛味好濃郁，而且咬落唔會好硬，完全唔使點任何醬汁都好好食。
除咗肉類之外，佢亦都有好多甜品任食，食完肉最適合就係食雪糕啦。我就非常推薦呢個朱古力雪糕，夏天真係非常解暑。
而家徐做優惠好抵之外，呢間餐廳嘅位置都坐得好舒服，真係非常推薦大家朋友聚會或者拍拖啊。
