影片
更多
2022-05-16
8 瀏覽
-終於的起心肝出街食飯～今次係屯市見到呢間係donki隔離嘅新餐廳，係韓國都有見過呢間cafe而家冇得去唯有係香港試左先🤣🔹蟹籽雞蛋蘋果薯仔沙律🔹對於中意食醬嘅我呢個沙律係天堂，啲薯仔軟糯程度岩岩好，唔會太硬太淋，蘋果爽脆清甜。啲醬多到我最後都食唔曬，認真抵食😗中意沙律有好多醬嘅一定要叫呢個！🔸傳統飯卷🔸賣相好靚大大舊，咬開唔會散曬之餘又唔會實得濟，入面仲有新鮮紫蘇葉，出面好多都冇架🤤份量岩岩好唔會搶左其他食材嘅味道👍🏽🔹燒醬油黑毛豬白切肉飯🔹呢個真心有驚喜，個飯炒得岩岩好，有咬口又唔會硬，有少少泡菜辣，好香口。黑毛豬個醬汁甜甜地，仲燒左啲豬油出嚟，令佢食落又香又唔會太油膩！呢個醬汁嘅味道同我係韓國試過嘅傳統醬汁好似，嗰下真係開心左，始終係香港唔太常食到正宗嘅味道🥺🔸水果忌廉三文治🔸黎到呢個而家非常出名嘅三文治，有奇異果、士多啤梨同柑橘，所有水果都係甜嘅唔會酸，配上唔會太厚嘅忌廉～不過不失啦🔹柑橘忌廉窩夫🔹見到呢個時候有啲驚因為我本身唔太鍾意食cream，點知佢嘅cream非常順滑仲有棉棉嘅感覺，加左雲尼拿(唔係香油隻假假地嘅味)同有柑橘嘅味。我真係第一次食到停唔到口🤣一啲都唔濟可能因
終於的起心肝出街食飯～今次係屯市見到呢間係donki隔離嘅新餐廳，係韓國都有見過呢間cafe而家冇得去唯有係香港試左先🤣
🔹蟹籽雞蛋蘋果薯仔沙律🔹
對於中意食醬嘅我呢個沙律係天堂，啲薯仔軟糯程度岩岩好，唔會太硬太淋，蘋果爽脆清甜。啲醬多到我最後都食唔曬，認真抵食😗中意沙律有好多醬嘅一定要叫呢個！
🔸傳統飯卷🔸
賣相好靚大大舊，咬開唔會散曬之餘又唔會實得濟，入面仲有新鮮紫蘇葉，出面好多都冇架🤤份量岩岩好唔會搶左其他食材嘅味道👍🏽
🔹燒醬油黑毛豬白切肉飯🔹
呢個真心有驚喜，個飯炒得岩岩好，有咬口又唔會硬，有少少泡菜辣，好香口。黑毛豬個醬汁甜甜地，仲燒左啲豬油出嚟，令佢食落又香又唔會太油膩！呢個醬汁嘅味道同我係韓國試過嘅傳統醬汁好似，嗰下真係開心左，始終係香港唔太常食到正宗嘅味道🥺
🔸水果忌廉三文治🔸
黎到呢個而家非常出名嘅三文治，有奇異果、士多啤梨同柑橘，所有水果都係甜嘅唔會酸，配上唔會太厚嘅忌廉～不過不失啦
🔹柑橘忌廉窩夫🔹
見到呢個時候有啲驚因為我本身唔太鍾意食cream，點知佢嘅cream非常順滑仲有棉棉嘅感覺，加左雲尼拿(唔係香油隻假假地嘅味)同有柑橘嘅味。我真係第一次食到停唔到口🤣一啲都唔濟可能因為酸酸甜甜😽窩夫脆身，佢中間仲搽左柑橘醬🤤佢仲有另一樽裝住濃縮左嘅柑橘醬比你淋上去，真係成個窩夫都充滿柑橘味🍊係頂嘅柑橘唔係用橙扮🤣有柑橘獨有嘅
🔸濟州柑橘乳酪&夢幻紫薯牛奶🔸
有好大嘅柑橘皮係上面都幾qq，應該又係用真嘅柑橘整唔係濃縮果汁😂乳酪嘅酸會重過奶味。而我朋友嘅紫薯就奶味重少少，兩杯飲落都唔會好甜。
呢到甘多野埋單都係五百幾，份份都超大碟，我最後仲要打包翻去先得🙈唔捨得曬啊。如果想食韓國輕食同打卡呢間真係唔錯嘅選擇～
📍Terrace in seaside (屯門)
屯門屯順街1號屯門市廣場一期UG樓9-12號舖
#Terraceinseaside #coffee #creamsandwich #omurice #Cafe #打卡 #Chill #度假
張貼
