Dr. Fern's Gin Parlour (已結業)

最近有好多野值得慶祝，個人都開懷左啲～朋友就建議放工一齊去輕鬆飲返杯勝嘅，仲話有個好地方推介～講到咁就只有跟住大佬去好地方。放工時間人來人往嘅置地廣場，跟住佢穿插係人群中，迷迷糊糊已經到了酒吧門口。門口好似睇症嘅診所門，原來係側邊嘅小門進入便是今晚嘅目的地。好彩有朋友帶路～呢度就係專飲gin嘅酒吧，好多gin tonic嘅選擇，只要揀左想要咩口味嘅方向，menu就會有全頁入面唔同款嘅gin比你任君選擇，分別唔同國家唔同品牌嘅gin。而今次我想飲juicy啲嘅味道，點左呢杯睇落好似無乜野，但其實佢酒精都有一定份量，岩晒放工小酌慢慢同朋友吹水傾下計咁飲！側邊仲有啲水果襯托，味道幾易入口！放工未食晚飯，但其實佢地都有啲拼盤可以嗌，好方便！呢度啲環境係舒服到令人會想留係度耐啲，仲可以打下卡影相！飲完杯之外返到屋企仲要處理少少公事所以嗌多左杯coffee嚟平衡返，原來佢地嘅咖啡都唔錯！