影片
更多
2021-10-13
165 瀏覽
成日都見呢間Cafe有人打卡，經過都會見到門口有幾個人排隊，今日早咗到九龍城，唔算好多人排隊，所以就排埋一份，大概等咗10分鐘左右就可以入座。餐廳嘅裝修保留返舊有嘅鐵閘閣樓同埋麻石牆，再加入一啲新式嘅簡約設計，係一間幾有特色嘅Cafe。但係環境係比較擠迫嘅，枱同枱中間係得比較近，相對地都比較嘈雜。🍝Tom Yum Kung Angel Hair $128我明明睇人哋啲相，人哋嘅擺盤係勁靚🤔冬陰功嘅味道其實唔算突出，反而似墨西哥蕃茄醬意粉，蝦有四隻，都算彈牙嘅。🥗Veggie Brekkie $98 平時都係食開有肉嘅ADB，轉下口味食個素嘅，配搭係蕃茄、蘑菇、炒蛋、沙律同乳酪，佢杯乳酪整到好似小丑咁🤔水準正常，較為特別嘅就係佢用芝士代替咗肉類，芝士同埋酸種麵包加埋一齊係幾好食嘅☕️Iced Cappuccino $42☕️Coconut Espresso Dirty $44咖啡嘅水準算正常，反而杯Dirty 口味自己唔係太接受到，可能真係個人口味嘅問題。總結：食物質素正常，但係偏貴。如果揀一個人流比較少嘅日子嚟可能會比較舒服。當日我就坐得比較近open kitchen嘅門口，其實用餐嘅期間
成日都見呢間Cafe有人打卡，經過都會見到門口有幾個人排隊，今日早咗到九龍城，唔算好多人排隊，所以就排埋一份，大概等咗10分鐘左右就可以入座。
餐廳嘅裝修保留返舊有嘅鐵閘閣樓同埋麻石牆，再加入一啲新式嘅簡約設計，係一間幾有特色嘅Cafe。
但係環境係比較擠迫嘅，枱同枱中間係得比較近，相對地都比較嘈雜。
🍝Tom Yum Kung Angel Hair $128
我明明睇人哋啲相，人哋嘅擺盤係勁靚🤔冬陰功嘅味道其實唔算突出，反而似墨西哥蕃茄醬意粉，蝦有四隻，都算彈牙嘅。
🥗Veggie Brekkie $98
平時都係食開有肉嘅ADB，轉下口味食個素嘅，配搭係蕃茄、蘑菇、炒蛋、沙律同乳酪，佢杯乳酪整到好似小丑咁🤔水準正常，較為特別嘅就係佢用芝士代替咗肉類，芝士同埋酸種麵包加埋一齊係幾好食嘅
☕️Iced Cappuccino $42
☕️Coconut Espresso Dirty $44
咖啡嘅水準算正常，反而杯Dirty 口味自己唔係太接受到，可能真係個人口味嘅問題。
總結：食物質素正常，但係偏貴。
如果揀一個人流比較少嘅日子嚟可能會比較舒服。
當日我就坐得比較近open kitchen嘅門口，其實用餐嘅期間就不斷聽到廚房嘅矮門啪啪啪啪啪啪聲。所以根本上一啲都唔relax。
另外仲有一件事都幾唔愉快，其實我未飲晒杯咖啡嘅，店員已經拎起隻杯再問我係咪唔要。咁你都拎起咗，唔通我話未飲完咩🤷🏻♂
張貼
