就是偏偏喜歡你 (已搬遷) 新店位置

全部都係花🌹🌷💐🌺嚟咗呢間位於銅鑼灣充滿少女心嘅Cafe，餐廳全部都係花花嘅裝飾，我就最鍾意嘅花花鳥籠同埋嗰個花花 feature wall ，打卡一流！唔好以為呢間淨係打卡嘅餐廳，食物就會馬馬虎虎，佢嘅食物食物一啲都唔馬虎，仲要幾好食呀！忌廉煙三文魚意粉💐🌺好creamy 又滑，最正係，配合返呢間餐廳嘅主題，用食用乾花嚟擺碟。又食得又睇得！(餐廳個姐姐仲好細心👍因為係小朋友食，佢話可以幫我煮熟啲煙三文魚)小熊粒粒草莓牛奶原隻小熊冰粒，好得意🐻朱古力溶岩石山好好食，朱古力愛好者一定要試，厚麵包加朱古力醬去焗，一切開個麵包朱古力就好似熔岩咁樣流出來，充滿視覺享受。中間仲咗啲脆脆朱古力餅，又唔係太甜，加埋雪糕食啱啱好！