新南苑私房菜 (已結業)

新南苑晚市火鍋套餐應有盡有、好豐富！原來午市套餐都非常實惠，今次食呢個150分鐘午市開心餐$208，另加一都唔使$230一位，就可以食匀刺身、雞煲、火鍋！餐廳有個大型玻璃櫃放滿Marvel電影角色模型，係一大打卡點。大廳及獨立房間，都設置電視，近期可以睇埋英超聯賽。獨立房間打通嘅話，可以同時容納二、三十人，仲有得唱K，真係開party都得！✔️招牌麻辣雞煲雞煲係新南苑招牌菜，雞件好滑好彈牙，秘製醬汁好惹味！而且可以無限添食！✔️刺身拼盤刺身預好2人份量，有成8款咁多：八爪魚、北寄貝、三文魚、甜蝦、帶魚、蟹棒、帶子、螺肉，用冰塊墊底，食起嚟特別清甜！✔️南瓜公仔蜆湯見到大大個熊仔造型嘅南瓜冰，放喺個鍋入邊，再加入熱辣辣嘅南瓜湯，熊仔慢慢溶化，見到好多南瓜肉嘅纖維，成個湯變成鮮艷嘅橙黃色。仲有蕃茄、蘿蔔、紅蘿蔔、大蔥、大蜆，成個湯濃郁鮮甜。✔️火鍋配料火鍋配料有三十幾仲可以選擇，而且每種食材都幾高質，絕對唔係劣質任食。試咗水魷、薯粉、蟹棒、鴨血、響鈴、鮮蝦雲吞、韭菜餃、沙拉包心丸，墨汁墨魚丸、美國極上牛肉、西班牙豚肉粒。蟹棒超長一條好吸睛，響鈴中間夾有紫菜比較特別，韭菜餃爆多韭菜好Juicy，牛肉