令酒場 (已結業)

時令刺身盛盒😻呢個好得意，整到好似港女下午茶咁，擺得好靚，有大吞拿魚腩 ，日本海膽，深海池魚，帆立貝，金目鯛，南非鮑魚同赤蝦，蝦肉好有彈性；大拖羅嫩到滑入喉嚨咁；海膽份量都唔少，用青瓜墊底更清新；鮑魚都係好大隻好q彈，其他魚刺身都好鮮味，超正呀！汁煮和牛面肉😽和牛本身已經夠嫩，牛面肉就更嫩，同時有啲筋，燒完都仲好腍，燒汁又夠香，咸咸甜甜咁，加埋啲芝麻，更加香口，仲有大量蔥絲，夠晒味啦！串燒😸芫荽豚肉卷有大量芫荽，草青味得黎又夠脆，而露筍豚肉卷既露筍都好鮮嫩脆口，兩款既豚肉就都係又脆又腍，雞皮同埋雞全翼都係好香雞皮，味道更濃更香，好脆好正！蟹甲羅燒😺呢個又係要打卡先既，蟹蓋裝住啲蟹肉，蟹肉好多，亦都有啲蟹籽，飽滿口感，仲有啲蟹膏添，配上烘到脆晒既多士，放上去食真係好夾！