E FOR EGG

營業中

休息中

今日同朋友去咗香港大學附近觀光，然後你一間Cafe裝修好靚，分咗寵物區同非寵物區。午餐時段有套餐可以選擇，種類好多而且擺盤好靚。✨松葉蟹-蟹籽明太子天使麵 呢個係佢哋特別餐單之選，有齊兩隻味嘅蟹籽，仲要有超多蟹肉，明太子味都好出，口感好豐富，超級推薦。🦀慢煮加拿大豬鞍·甜漬蘋果莎莎及薯菜 因為係慢煮，所以肉質非常嫩滑，雖然好厚切，但係一啲都唔會硬，配合埋蘋果用酸酸甜甜咁，非常開胃。🐖極辛脆雞扒伴泰式辣醬極度似M記嘅脆辣雞翼，只不過係雞扒ver，所以味道絕對出色。👅煙肉芝士薯條 一上碟嘅時候真係嚇親，因為份量超多，幾乎成坐山咁，而且都有好多芝士。🧀E for Egg芝士奶蓋招牌窩夫 最後叫返一個佢哋嘅招牌窩夫做甜品，佢入邊有齊晒香港人最鍾意嘅麻糬、忌廉芝士、窩夫、心太軟，超豐富，而且味道都好夾。因為窩夫係新鮮整出嚟，所以熱熱地，而且好脆口。🧇開心果鮮奶咖啡 開心果特調因為最近好流行開心果，所以當然要試吓佢哋嘅開心果飲品。開心果嘅味道兩杯都好濃郁，特調方面因為加咗豆腐，所以口感好有層次，而且有食物嘅原味，但係又唔會太甜。