影片
更多
2023-01-30
22 瀏覽
打卡度滿分壁畫Café，用心小店必須支持～All Day Fans又出動啦！今次去到上環嘅小店Paintable Café，叫得Paintable，當然就有超靚嘅壁畫畀大家盡情打卡，壁畫由本地插畫家 @toballkidrawing打造，於餐廳後方嘅天窗位置就可以欣賞到，借助天然光令外牆嘅壁畫更加搶眼，整體氛圍舒服又寫意，仲可以帶埋家中毛孩去！全日早餐配料包括咗黑松露炒蛋、番茄、牛角包、炒蘑菇、煙肉、香腸同沙律菜，每款都係份量十足，黑松露炒蛋味道香濃，香腸内有芝士粒，沙律菜仲淋上咗黑醋，各款味道配合得啱啱好！明太子櫻花蝦意粉大讚呢款意粉！明太子獨有嘅鹹辣味、櫻花蝦嘅鮮香加埋Creamy醬汁嘅奶香，中和返忌廉汁嘅油膩咁，再鋪上木魚碎同紫菜，令人食唔停口！木糠布甸牛角包窩夫 配雪糕之前講起近排好Hit嘅牛角包窩夫Croffle，今次當然要試試！即叫即製嘅牛角包窩夫食落好酥脆鬆軟，牛油味突出，配搭香甜Oreo雪糕、綿滑淡忌廉同面頭嘅餅碎，啖啖甜絲絲。Iced Americano / DirtyIced Americano味道偏Nutty，Dirty揀咗燕麥奶，口感香醇順滑，入口有淡淡天然香甜
All Day Fans又出動啦！今次去到上環嘅小店Paintable Café，叫得Paintable，當然就有超靚嘅壁畫畀大家盡情打卡，壁畫由本地插畫家 @toballkidrawing打造，於餐廳後方嘅天窗位置就可以欣賞到，借助天然光令外牆嘅壁畫更加搶眼，整體氛圍舒服又寫意，仲可以帶埋家中毛孩去！
全日早餐
配料包括咗黑松露炒蛋、番茄、牛角包、炒蘑菇、煙肉、香腸同沙律菜，每款都係份量十足，黑松露炒蛋味道香濃，香腸内有芝士粒，沙律菜仲淋上咗黑醋，各款味道配合得啱啱好！
明太子櫻花蝦意粉
大讚呢款意粉！明太子獨有嘅鹹辣味、櫻花蝦嘅鮮香加埋Creamy醬汁嘅奶香，中和返忌廉汁嘅油膩咁，再鋪上木魚碎同紫菜，令人食唔停口！
木糠布甸牛角包窩夫 配雪糕
之前講起近排好Hit嘅牛角包窩夫Croffle，今次當然要試試！即叫即製嘅牛角包窩夫食落好酥脆鬆軟，牛油味突出，配搭香甜Oreo雪糕、綿滑淡忌廉同面頭嘅餅碎，啖啖甜絲絲。
Iced Americano / Dirty
Iced Americano味道偏Nutty，Dirty揀咗燕麥奶，口感香醇順滑，入口有淡淡天然香甜同濃郁燕麥味。
張貼
