CURATOR Art & Café (已結業)

上次嚟嗰陣無得晚市堂食經已非常可惜，呢次再行經K11 musea 嘅curator by lex art cafe，梗係要入去打下卡食下飯啦！凱撒沙律：沙律菜新鮮清爽，醬汁味道得宜，仍然有清新嘅感覺，仲有脆口嘅麵包粒可以增加不同嘅口感添。酥脆雞錘配水牛芝士醬：炸衣薄脆不帶油，咬開見到細嫩嘅雞肉，仲有肉汁滴緊出嚟添。加埋濃郁芝士嘅醬，令雞肉肉味更為突出。卡邦尼培根意大利粉：呢度嘅卡邦尼用嘅係長通粉，而醬汁就由平時見到嘅白汁變為金黃色嘅蛋黃汁，雖然無食開嘅咁Creamy ，所以都無咁膩，而呢個醬汁令到意粉更有蛋香，再加埋西班牙香腸嘅咸香，令意粉味道更佳。丸久小山園抹茶拿鐵：呢杯係用左日本出名嘅丸久小山園嘅抹茶粉所沖製，佢哋嘅抹茶出名茶香味好突出，用嚟做拿鐵就最啱。原裝冷萃新品體驗：佢哋嘅罐裝冷萃嚟自澳洲品牌Seven seeds，呢隻咖啡本身所帶嘅酸味較重，呢個體驗佢哋提供左一個裝左冰球嘅杯，再按自己嘅口味加入佢哋所提供嘅奶同埋梳打水。