基地 (已結業)

平日晚餐時間嚟到唔好唔到咁多人，座無虛席。由於全場都爆滿，店員好忙，有漏單嘅情況，但係都好有禮貌咁快速跟進。食物質素幾好，雖然唔算特別平而且揀中嘅都賣晒，但店員會主動介紹其他選擇。所有都好食，又精緻，店內打卡環境一流！Happy hour buy 1 get 1，round 1 唔算特別抵，還可以接受。不過如果飲第二round，就可以同朋友share，就會抵啲。因為真係未必每個人都飲到咁多杯。由於都係高櫈，係爭個地方擺袋，無咁方便。整體感覺唔錯，有機會會再嚟。