新沙洞澡堂 (已結業)

長沙灣真係有幾多特色寶藏cafe，而今次就去到一間以韓式澡堂為主題嘅韓式餐廳 🛁一入餐廳門口就可以感受到澡堂氛圍，整個空間以白色為主題，俾人一種乾淨舒適的感覺。佢哋仲喺門口設置咗一個模擬澡堂嘅區域，非常適合打卡留念。食物方面，我哋就叫咗以下幾款菜式。-雪花芝士炸雞半份炸雞外皮香脆，肉質鮮嫩多汁，再加埋芝士嘅香味，真係令人回味無窮。炸雞份量非常足料，就算只係半份，兩至三個人share都足夠。-牛肉大醬湯配飯大醬湯配飯亦都好好味😋 湯底濃郁，牛肉肉質鮮嫩，仲有翠玉瓜、蘑菇片等蔬菜，配埋白飯食好滿足😙-炸年糕腸仔串年糕腸仔串炸得恰到好處，但一啲都唔油膩，配埋特製韓式辣醬，味道更加突出。-炸紫菜粉絲卷紫菜粉絲卷亦都好香脆，內裡嘅粉絲同蔬菜絲口感豐富。-炸甜薯芝士條甜薯芝士條炸得金黃酥脆，加上融化嘅芝士，咬落有拉絲效果，真係好好味，每一啖都好滿足！-提拉米蘇窩夫Croffle中間鬆軟香甜，外皮酥酥脆脆，口感好正，加埋提拉米蘇嘅濃郁咖啡味道，真係perfect match~