新福星潮州打冷火鍋菜館

營業中

休息中

作為一個元朗人，間唔中約一大班朋友去食小菜隊下啤酒都好正常，因為元朗大排檔都幾多。最多人推介嘅我諗係今次去食嘅「福星」，福星同以打冷為主，價錢會比附近嘅菜館貴，不過味道係比較好食，絕對唔似早排食過間「Ｘ記」咁難食，詳情可以參考返我早幾篇食評，真係請我都唔會再食。打得冷，就當然要嗌滷水嘢，鍾意食骨可以嗌例牌滷水鵝，唔鍾意骨的話直接叫滷水鵝片就更加正！另外再叫滷水拼盤，有豬腸豬耳墨魚等等，入味又爽口！仲有韮菜豬紅，喜歡食豬紅嘅就要叫埋。當然唔少得就係本地黃油烏頭，小弟最鍾意食，啖啖肉！其餘小菜方面，我覺得福星椒鹽鮮魷同黃金鮮魷都係好出色，魷魚夠鮮唔韌，另外仲有蠔餅都係必食，不過上次去食得4-5個人，就廢事叫太多食物。不過福星座位真係唔多，而且依家好難喺門口擺到枱，因為食環捉得太緊，所以想食的話真係要等下位。