薄餅怪獸

營業中

休息中

放假就緊係四周圍行四周圍食架啦。今日黎到土瓜灣就發現左依間PIZZA店。見距離六點重有時間就行左入去食個早既晚餐。一入去就發現間食肆都有用心係裝飾佈置方面。環境舒服。佈置又有格調。未食野個人心情都開心啲。餐牌種類繁多。最特別莫過於佢地既心形PIZZA。咁特別。冇理由唔嗌佢架。揀左個怪獸多寶。勝在咩料都有。手製薄餅。餅夠脆口。唔似外面D連鎖店咁。蕃茄醬有埋啲蕃茄碎。入口感覺係唔同啲。酸酸甜甜加埋其他配料。好快咁我就食完一件。拎起第二件擺落口。烤雞配檸檬汁。真係估唔到依個配搭咁MATCH。檸檬味唔會太酸。配搭個JUICY烤雞。不得了。總括黎講都係值得推介。