HANDS - Craft Beer & Magic

營業中

休息中

前兩日近近地同朋友去咗太子飲杯嘢食啲嘢吹吹水，呢度嘅環境都唔錯，最緊要夠靜，人大咗真係唔太鍾意嘈同太熱鬧嘅地方😆😆😆知道呢度最出名嘅係手工啤酒，經店員介紹下，揀咗新推出嘅《Purple Dream 青檸蝶豆花蜂蜜酒》及 《Bolo Bao IPA 菠蘿包》同幾樣嘢食 😋😍《Purple Dream 青檸蝶豆花蜂蜜酒》🌟呢杯紫色飲落甜甜地嘅手工啤酒，的確好啱女仔飲的，味道獨特又超級易入口，仲非常之清新🥰🤣《Bolo Bao IPA 菠蘿包》🌟朋友揀呢杯菠蘿包味道就酸酸地，佢覺得幾醒神😁😄《明太子海鮮忌廉意粉》🌟意粉夠Juicy, 每條意粉都掛滿明太子的，正呀😋《台式波波腸併》🌟一碟波波腸滿足晒我四個口味，包括蜜糖、蒜香、麻辣同墨魚，而我就最喜歡呢粒黑色嘅墨魚味☺️☺️☺️《花生醬煙肉芝士安格斯牛堡》🌟最邪惡應該係呢個漢堡包啦！有齊晒煙肉、芝士同安格斯牛，仲要配埋花生醬，鍾意食漢堡包一定要試😆😆😆由於第二日要早起工作，所以只係飲咗一杯，下次再嚟要試多幾個味先得😝😝😝