拾味正宗刀削麵館 (歌賦街) (已結業)

今日經過上環個頭，肚餓想食麵，見到間刀削麵就入去試下。入到去空間唔大，都有兩部冷氣，幾夠涼。我地嗌咗個醉雞同蒜泥牛展刀削麵，跟餐+$6就有豆漿跟，冷熱都得。醉雞好入味，咬落去口入面充滿住陣陣酒香，有雞髀雞翼，碟細細但都幾大份，雞肉又夠滑。蒜泥係生蒜磨碎而成，食落口都幾辣下，仲帶少少酸味。牛展就好夠腍，醬汁都好入味!主角刀削麵係全人手工製，每一條嘅長闊厚薄都唔一樣。口感唔錯，食落口夠滑捋捋，麵嘅邊邊夠薄。