影片
更多
2018-07-26
52 瀏覽
今日行過荃灣見到開左間新既手卷鋪，價錢都唔貴所以就試下。叫左馬糞海膽手卷、三文魚拼吞拿魚蓉手卷、軟殼蟹手卷三種手卷加個炸魷魚鬚，叫嗰陣店員同我地講可以睇埋隔離，有薯餅蠔餅嗰啲，問我地有無興趣試下。之後我地先知原來隔離店都係一齊既，見佢啲野食都幾得意，有日式薯餅、蠔餅同埋炸沙律三文治，就叫左個蟹肉忌廉薯餅試下。最快到既係海膽手卷，海膽味道幾鮮甜，而且以海膽手卷黎講呢個價錢都幾合理。最正既係佢除左有面頭嗰層海膽，個心都係有海膽既，性價比超高！平時食手卷最驚就係食完面頭嗰啲餸，之後成舊都係白飯，呢個就好好咁成舊都加左海膽！另外，我見到佢餐牌上面有三種海膽，但今次去見到紫海膽同加拿大海膽都暫停供應，而我自己本身都淨係食過馬糞海膽，所以就問左職員三種海膽有咩分別，職員答我紫海膽同馬糞海膽都係韓國既，而加拿大海膽就係加拿大黎，味道會比其他兩隻再鮮甜啲。如果下次再黎希望試下加拿大海膽。之後第二個到既係三文魚拼吞拿魚蓉海膽，賣相好靚！三文魚好肥美，而且幾厚肉，幾好食。而吞拿魚方面雖然係吞拿魚蓉，但魚味依然好濃厚，同埋我覺得變左蓉之後食上黎重方便左，唔洗好辛苦咁咬斷扯到個手卷爛晒。呢種雙拼既手卷可以一次
叫左馬糞海膽手卷、三文魚拼吞拿魚蓉手卷、軟殼蟹手卷三種手卷加個炸魷魚鬚，叫嗰陣店員同我地講可以睇埋隔離，有薯餅蠔餅嗰啲，問我地有無興趣試下。
之後我地先知原來隔離店都係一齊既，見佢啲野食都幾得意，有日式薯餅、蠔餅同埋炸沙律三文治，就叫左個蟹肉忌廉薯餅試下。
最快到既係海膽手卷，海膽味道幾鮮甜，而且以海膽手卷黎講呢個價錢都幾合理。最正既係佢除左有面頭嗰層海膽，個心都係有海膽既，性價比超高！平時食手卷最驚就係食完面頭嗰啲餸，之後成舊都係白飯，呢個就好好咁成舊都加左海膽！
另外，我見到佢餐牌上面有三種海膽，但今次去見到紫海膽同加拿大海膽都暫停供應，而我自己本身都淨係食過馬糞海膽，所以就問左職員三種海膽有咩分別，職員答我紫海膽同馬糞海膽都係韓國既，而加拿大海膽就係加拿大黎，味道會比其他兩隻再鮮甜啲。如果下次再黎希望試下加拿大海膽。
之後第二個到既係三文魚拼吞拿魚蓉海膽，賣相好靚！三文魚好肥美，而且幾厚肉，幾好食。而吞拿魚方面雖然係吞拿魚蓉，但魚味依然好濃厚，同埋我覺得變左蓉之後食上黎重方便左，唔洗好辛苦咁咬斷扯到個手卷爛晒。呢種雙拼既手卷可以一次過滿足兩個願望，如果唔想咁飽又想試多啲唔同野，呢個都唔錯！
最後上既係軟殼蟹手卷，可能因為要即炸所以需時最長，但等待係絕對值得架！因為真係好高質，炸得好好，而且舊軟殼蟹係好大舊，又唔會太咸，下次再黎食都會再叫！
同埋我覺得呢間野炸物做得幾出色，一黎唔會有陣油臭味，二黎好酥脆唔會好油膩。薯餅雖然唔係話好重蟹味，但個蟹味同忌廉味夾得幾好，外脆內軟，不過如果一個人食晒三舊可能會有啲多，如果同人share會好啲。
魷魚鬚比想像中大兜，調味唔錯，係有少少偏咸，但佢有配埋沙律醬，如果點黎食就可以balance返。
整體黎講食物水平都唔錯，價錢亦唔算貴，而且最好既係佢個位置好好，周圍好多唔同既野食，好啱掃街。
一直覺得荃灣無乜手卷鋪，次次想食都要去葵廣或者太安樓，但依家荃灣終於有，而且咁高質，唔洗再特登出去食啦！
張貼
