炯記餐室 (美麗閣)

營業中

休息中

今日去到北角呢間燒味專門店，平時成日聽人講好好食，又抵食，今日終於親身一試，捉緊左佢last order嘅尾巴(餐廳2030 last order)。炯記四寶撈麵 (手撕雞、豬手、叉燒、紅腸) $64餐廳撈麵基本上都係鵝油撈麵底，配上唔同餸菜，每一啖麵都香到爆炸，而且又好大份，平均都係$60左右都好抵食。炯記煙燻燒鵝飯 $60呢個真係值得一讚，燒鵝好食，唔會好油膩，最重點係個飯，鵝油滲透曬落啲飯到，鵝油撈飯，每一啖都係罪惡感，但完全控制唔到食下一啖，呢個價錢抵食。海蜇拼手撕雞小食 $40比起主菜就遜色左小小，不過都係唔錯，份量岩岩好，不過海蜇唔係好夠食，可能我哋太中意食，唔夠喉。鵝油菜心 $18淋係菜心面嘅唔係豉油而係鵝油，過份左小小，香氣撲鼻，不過食多兩條就會小小漏。Overall黎講，每樣野都係好好食同價錢都算抵食，不過連菜心都係鵝油真係好癲，食到尾開始有啲擔心自己心血管嘅健康，不過耐唔耐一餐半都還可以嘅。