重慶燒燒烤專門店 (已搬遷) 新店位置

早几日同屋企人去食燒烤, 第一次去食叫左好多野, 大家推介0既如蜆, 白鱔, 菠蘿等等都有試 (西冷扒千祈唔好叫, 硬到呀媽都唔認得...), 以食物質素同價錢黎講係值得一個笑哈哈的。但就如另一位食友所講, 漏單0既情況十分嚴重, 本來諗住佢d 燒烤野出得慢就叫住個涼拌豆腐食住先, 一個鐘頭後其他bbq 野都黎哂咁滯但個豆腐都未有, 善意咁提追追佢, 佢就話"製作需時請耐心等候", 跟住就繼續同人地落單, 完全無同我地睇睇廚房0既意思... 抱住睇下佢製作有几精美"0既心態繼續等, 同時落埋第二輪野食0既單, 一路睇尖子攻略+家好月圓一路等。如是者等多半個鐘都無到, 第二輪野食又陸續上桌, 再問另外一個伙記追單, 同佢講如果係漏左就cancel, 佢又係就咁應左就算, 無話係漏左定整緊... 如是者又再過多半個鐘, 豆腐終於黎, 係一個百福豆腐花加几條罐頭炸菜!! 竟然要製作需時到要2粒鐘?! 已經等到好累, 仲有一個焗金菇未黎... 同佢講漏左就cancel, 伙計即刻話10分鐘ok, 等到好唔耐煩0既我反問佢"10分鐘?!", 佢即刻又改口"5分鐘就得"... 跟住就真係5分鐘