鮨樂 (鱷魚恤中心) (已結業)

係觀塘要搵到好食日本餐、又要方便泊車絕對唔容易，最後揀左鄰近APM的鮨樂！店舖門口雖然精細，內裡卻非常非常之大！鮮魚味噌湯一向好怕飲魚湯既我，非常擔心會啃魚骨碎！店員細心講解我知，湯內既魚件都是採用即日的鮮魚件慢熬多少時而成～我慢慢飲下去，的確沒有魚骨碎，熬得很滑溜、魚鮮味濃而甜！自家製免治雞肉串雞肉串比想像中大，雞肉串採用店家自配的醬汁炮製，甜甜的味道圍繞著雞肉串，配上日本生雞蛋，將雞肉串保持嫩滑狀態，雞肉串份外入味，掛上醬汁，啖啖肉、啖啖汁！壽司盛合-松盛合有超級吸引的材料，包括吞拿魚、真鯛、平目魚、深海池魚、油甘魚、墨魚、甜蝦、甜蛋；魚件入口超級新鮮、帶著濃郁的鮮味，質感厚切、食落口感更特別！甲羅燒蟹迷必點！甲羅燒賣相一流！蟹膏及蟹肉份量超多、蟹味濃郁，味道充滿整個口腔及舌尖，超好味食唔停！高知縣柚子雪葩柚子味雖很重，但保持柚子的清新，不會過於搶味、甜甜的味道，超正啊！