葫越 (AKVO酒店) (已結業)

中上環食晏時份真係度度都要等，點幾鐘同同事放飯黎到葫越越南河粉，響門口都要等一陣。我就第一次去嘅，不過啲同事應該之前去過，所以都好熟手地接過侍應比我地嘅剔剔紙，響門口剔定等入坐。雖然佢有好多牛河嘅選擇，但因為前晚又係食牛，所以今次係揀左雞絲河粉。因為一早落單，一坐低無耐就有得食。望落好多雞絲好足料咁，試一試佢個湯式，嘩 ! 係無味精嘅清雞湯味，感覺非常好，清淡得黎唔會無黎味道，估計的確係足料煲成，變左飲湯多過食河粉。不過食食下，因為啲雞絲又無咩味，河粉又無咩味 (有加辣椒)，個湯又好清，成碗河粉食到後期好似.....無咩味道。我認我係食慣重味嘅越南河粉，但當然，我係寧願食得清啲，好過食完口乾乾到要狂飲水。