影片
更多
2016-06-13
563 瀏覽
晌美孚區，打正旗號嘅咖啡室，應該有Wolf Den Cafe、 Starbucks Coffee、Pacific Coffee Company 及McCafe，前3者都去過食早餐，喺差McCafe未食過佢嘅早餐，查實，同老婆都有間唔時晌星期六落麥記食早餐，不過，McCafe就真喺未幫襯過，所以，造就今次點都要幫襯一下。雖然都喺叫Cafe，但黐住麥記嘅就算硬件似，環境都喺似番麥記，依個大家都心裡明白。所以，我哋都專登揀個窗邊位，感覺嘈雜聲細啲。Mochaccino $26（中杯）老婆揀咗新推出嘅雞肉火腿醉蛋芝味多士配中杯Mochaccino。老婆原意屬朱古力咖啡（Mocha），不過McCafe喺無嘅，但相類似嘅就有一款叫Mochaccino，即喺朱古力加意式泡沫咖啡，仲以朱古力粉灑上「M」字招牌標記，味道其實一啲都唔差，奶泡豐厚，咖啡味亦醇香，跟朱古力味都做到平衡唔搶味，大大杯都只喺$26，抵啦，只可惜無帶張花旗信用卡晌身，否則有免費升級，可以再大杯啲啫。雞肉火腿醉蛋芝味多士 +$13問過店員，依款新出嘅產品喺無正價，所以，只有買嘢飲再加配，但加配價非常抵，只喺$13。份多士非常足料，集
雖然都喺叫Cafe，但黐住麥記嘅就算硬件似，環境都喺似番麥記，依個大家都心裡明白。所以，我哋都專登揀個窗邊位，感覺嘈雜聲細啲。
Mochaccino $26（中杯）老婆揀咗新推出嘅雞肉火腿醉蛋芝味多士配中杯Mochaccino。老婆原意屬朱古力咖啡（Mocha），不過McCafe喺無嘅，但相類似嘅就有一款叫Mochaccino，即喺朱古力加意式泡沫咖啡，仲以朱古力粉灑上「M」字招牌標記，味道其實一啲都唔差，奶泡豐厚，咖啡味亦醇香，跟朱古力味都做到平衡唔搶味，大大杯都只喺$26，抵啦，只可惜無帶張花旗信用卡晌身，否則有免費升級，可以再大杯啲啫。
雞肉火腿醉蛋芝味多士 +$13問過店員，依款新出嘅產品喺無正價，所以，只有買嘢飲再加配，但加配價非常抵，只喺$13。
份多士非常足料，集雞肉火腿、醉蛋、芝士，點好餐再烘焗，外層好脆口，不過攤耐咗都幾快變腍，可以嘅話盡快食，而餡料滿瀉，確喺「芝」味。
雞肉火腿醉蛋芝味多士
94 瀏覽
1 讚好
0 留言
Hazelnut Latte $16小弟一向喺慳家，所以揀榛子鮮奶咖啡（Hazelnut Latte），因為做緊推廣，細杯只賣$16（正價要$24）；再配一份雞肉菠蘿意式包，咁就夠晒！依款特惠飲品只限細杯，想補錢轉大杯喺唔得嘅。拉花喺個太陽小姐，拉得唔錯吖，再者，讓人望落夠朝氣。味道上，算唔差，口感圓滑均勻，富榛子香味。
雞肉菠蘿意式包 +$13個包本身正價單售要$24，就算我點咗杯特惠飲品，都可以用優惠價配依款包，所以，計落喺頗划算嘅組合。
麵包採用意大利拖鞋包，再烘熱先奉客，所以，烘壓完更似拖鞋呀。咪睇佢壓到扁咗啲，其實包內有唔少餡，雞肉中有啲菠蘿嘅甜味，又有啲芝士嘅香味，確喺幾好食。其實，我喺唔太鍾意佢哋喺唔喺都用烘壓機，尤其依個包採用拖鞋包，烘壓完脆就脆口咗，但失卻包身嘅軟熟感。
麥記俾人嘅印象普遍都喺差啲，連帶McCafe都被拉低咗少少檔次，其實，McCafe出品一向唔錯，善用埋啲優惠，絕對食到一入物有所值嘅早餐。
張貼
