影片
更多
2019-06-01
1580 瀏覽
寫「我的星期六美孚早餐」系列都好幾年，叫做想試嘅都試過晒，而呢區嘅食肆又唔會有咩大轉變，無論喺指新餐廳，抑或啲餐牌，變化真喺唔大。而晌咁多間餐廳中，就以McCafe幫襯最多，因為質素穩定，性價比高。今早又嚟，喺有目的而來，就喺想重溫玉桂卷嘅滋味，皆因三月初去咗個長旅行，晌個小鎮食到好味嘅玉桂卷。美孚呢一間麥記，雖然麥當勞同McCafe分開兩邊，但堂座就撈埋一齊。話佢性價比高，因為一來有啲優惠價咖啡供應，二來點咗飲品，就可以以優惠價點一份烘焙或包點產品，非常划算。意大利泡沫咖啡（$14）、提子玉桂卷（+$11）老婆揀咗佢最心水嘅「雞肉菠蘿意式包（+$14）」，以前嘅食評交都介紹過，今次就唔多寫，而我就一早定好目標食「提子玉桂卷」，再嘆杯優惠價嘅泡沫咖啡。落單後會幫你烘焗翻熱一下，味道唔錯，頗有玉桂香，但可以再加重少少，令佢更有個性，而口感都夠晒鬆脆，富牛油香。其實個玉桂卷正價要$16，依家加配價只需$11，仲要幾大個吓，所以，都算抵食。成日都聽到啲人講McCafe啲咖啡唔得架，唔及乜乜乜咖啡店，其實，一講到McCafe啲人就拉佢等同麥記，隨即標籤咗佢同樣喺平價嘢。講真，如果你真喺有細心品
美孚呢一間麥記，雖然麥當勞同McCafe分開兩邊，但堂座就撈埋一齊。話佢性價比高，因為一來有啲優惠價咖啡供應，二來點咗飲品，就可以以優惠價點一份烘焙或包點產品，非常划算。
意大利泡沫咖啡（$14）、提子玉桂卷（+$11）老婆揀咗佢最心水嘅「雞肉菠蘿意式包（+$14）」，以前嘅食評交都介紹過，今次就唔多寫，而我就一早定好目標食「提子玉桂卷」，再嘆杯優惠價嘅泡沫咖啡。
落單後會幫你烘焗翻熱一下，味道唔錯，頗有玉桂香，但可以再加重少少，令佢更有個性，而口感都夠晒鬆脆，富牛油香。其實個玉桂卷正價要$16，依家加配價只需$11，仲要幾大個吓，所以，都算抵食。
成日都聽到啲人講McCafe啲咖啡唔得架，唔及乜乜乜咖啡店，其實，一講到McCafe啲人就拉佢等同麥記，隨即標籤咗佢同樣喺平價嘢。講真，如果你真喺有細心品嚐過，McCafe啲豆其實一啲都唔差，喺混合咗秘魯、墨西哥、埃塞俄比亞嘅豆。
張貼
