Outback Steakhouse (銅鑼灣廣場一期)

營業中

休息中

成日食lunch諗唔到食咩就會去Outback~ 因爲一定有品級保證！主菜🍤 香辣燒蝦飯呢個蝦飯真係唔錯！辣度剛剛好，唔會辣到掩蓋哂蝦嘅鮮味，飯粒吸哂蝦嘅香味，食落去啖啖濃郁。蝦爽口彈牙，仲加咗脆脆嘅蕃薯條，俾呢個飯加咗層次感，咀嚼到脆脆嘅感覺好特別！😋👍🍔 澳坊芝士漢堡呢個漢堡幾豐富，牛肉配埋芝士，味道濃郁得嚟唔會太膩。薯條炸得脆脆，夠哂香口！漢堡旁邊仲有一份沙律，酸酸甜甜，幾清新，食完漢堡之後食返啲沙律可以平衡返口感。🍟🥗前菜 & 湯🌽 粟米忌廉湯呢個湯好暖胃，粟米味香濃好creamy，同麵包絕配。🍵🍞 經典Outback黑蜜麵包呢個黑蜜麵包係Outback嘅招牌，食落去有一陣淡淡嘅黑蜜味，外層微微脆，內裡鬆軟，配埋牛油一齊食真係好滿足！🤤飲品🥤 跟餐大大杯嘢飲杯真係超大，夠哂飲。選擇都有不少，凍檸茶、汽水任你揀。