燒味滷師 (大廈街)

營業中

休息中

荃灣新開嘅燒味舖「燒味滷師」，環境乾淨衛生，食唔放置有條理，後面仲見到有個燒味製作廚房，可見真係自家出品。食品種類好多，大路嘅燒味、潮州滷水、涼拌小食都有賣。泰式鳳爪拼海蜇$45 份量好多，鳳爪大大隻，海蜇大大隻好爽口，用黎做前菜/送酒都好合適。燒鵝本身就好多肥膏但我留意到斬料師傅斬會將肥膏砌走，令食果時唔會太油膩。整體香面不膩。客家鹽焗雞半隻$30，呢個價錢來講好抵食，唔點醬料食雞都夠味，鹹香鹹香咁，如果點沙薑醬就會偏鹹咗啲。最鍾意係叉燒，肥瘦適中由蜜汁包住叉燒。肉質鬆軟，砌得厚身，夠哂有口感。食完之後覺得呢間野抵食又好食。