影片
更多
2009-10-19
15 瀏覽
18-10-2009好耐之前試過呢度的厚多士, 覺得幾好食 (http://www.openrice.com/restaurant/commentdetail.htm?commentid=1867640), 奈何次次想「重溫」都摸門釘, 呢日同朋友過到嚟, 終於見到佢開檔了 一人叫了一碗粉麵及一杯飲品, 再 share 食一份油砂厚多.先嚟熱奶茶, 睇顏色已知不錯, 飲落茶味香濃, 質地極幼滑, 係真正的「絲襪奶茶」, 勁正 試了少少朋友的凍奶茶, 味道我覺得太「奶」, 不過朋友好似幾欣賞, 咁就得啦.是日通粉賣晒, 麵揀了雪菜肉絲出前一丁... 未食已聞到好勁麻油香, 出前一丁淥得爽口彈牙, 就連味道湯底都唔會太鹹, 有點意外 雪菜如常新鮮爽口又唔鹹, 份量唔少但仍然唔夠喉呢 肉絲亦有驚喜, 軟腍仲帶點肉汁, 唔錯唔錯; "on the side" 有點椰菜, 唔會腍 bad bad, 感覺亦新鮮健康, 唔錯. 好耐無食過咁出色的一碗出前一丁 , 值得試試.朋友食餐肉腸仔麵, 餐肉及腸仔都煎得好靚, 唔知好唔好食?油砂厚多就有點賣相勝於味道... 烘得面頭鬆脆, 中間
好耐之前試過呢度的厚多士, 覺得幾好食 (http://www.openrice.com/restaurant/commentdetail.htm?commentid=1867640), 奈何次次想「重溫」都摸門釘, 呢日同朋友過到嚟, 終於見到佢開檔了 一人叫了一碗粉麵及一杯飲品, 再 share 食一份油砂厚多.
先嚟熱奶茶, 睇顏色已知不錯, 飲落茶味香濃, 質地極幼滑, 係真正的「絲襪奶茶」, 勁正
試了少少朋友的凍奶茶, 味道我覺得太「奶」, 不過朋友好似幾欣賞, 咁就得啦.
是日通粉賣晒, 麵揀了雪菜肉絲出前一丁... 未食已聞到好勁麻油香, 出前一丁淥得爽口彈牙, 就連味道湯底都唔會太鹹, 有點意外 雪菜如常新鮮爽口又唔鹹, 份量唔少但仍然唔夠喉呢 肉絲亦有驚喜, 軟腍仲帶點肉汁, 唔錯唔錯; "on the side" 有點椰菜, 唔會腍 bad bad, 感覺亦新鮮健康, 唔錯. 好耐無食過咁出色的一碗出前一丁 , 值得試試.
朋友食餐肉腸仔麵, 餐肉及腸仔都煎得好靚, 唔知好唔好食?
油砂厚多就有點賣相勝於味道... 烘得面頭鬆脆, 中間就好軟熟, 不過可能麵包太厚, 牛油嚴重唔夠, 唔係好夠香喎. 不過整體嚟講, 都幾好食的.
埋單 total $50, 食得滿意, 亦絕對係我最喜歡的茶檔之一, 值得試試.
張貼
