影片
更多
2006-06-26
19 瀏覽
日前官方飯聚全羊宴,在西環水街頂"巴依",如果在下面皇后大道行上來,一定未食已經剩下一半命.聯同幾個食友在老蘭打的,都係兩條草多一點.小弟在近三數年,才開始對羊肉有興趣,愛上之後發覺之前的日子,已經枉過.女人唔騷,男人唔愛,羊肉唔騷,不如唔好食.咁多種肉類,以羊肉最有個性.最強烈.越騷越好,有時聽到一些羊肉唔騷,好好味.)單係這七個字,已完全突顯出你唔識食.整到唔騷的羊肉,吃入口的感覺,就如同一個乏味如白開水的女人交往.你同佢講達文西,佢同你講王子變田雞.....到時真係企到直一直.報名人數無五十也四十五,所以整間餐廳已經被包下.店子不算大,但也有派士馬電視,撞正世界杯時間,打蛇隨棍上問有無得睇波,得來回應係整座大廈無有線.可惜,都係一條心同隻羊困獸鬥吧.看看大王張菜單,差不多近乎全羊.係有冰鎮西蘭花,同土豆絲作綠葉.這夜比羊肉轟得頭崩額裂,全部品評真係有難度,索性只講我最有印像果幾味吧.羊餡餅厚度剛好,餡料的羊肉夠騷香,還有肉汁流出.一人一個已足夠,接下來的菜式,有排你受.冰鎮西蘭花,酸酸甜甜很爽脆.作為開胃的前菜也不錯,突如其來的酸奶,味道同Yogart差不多,名乎其實的酸.香酥羊
小弟在近三數年,才開始對羊肉有興趣,愛上之後發覺之前的日子,已經枉過.女人唔騷,男人唔愛,羊肉唔騷,不如唔好食.咁多種肉類,以羊肉最有個性.最強烈.越騷越好,有時聽到一些羊肉唔騷,好好味.)單係這七個字,已完全突顯出你唔識食.整到唔騷的羊肉,吃入口的感覺,就如同一個乏味如白開水的女人交往.你同佢講達文西,佢同你講王子變田雞.....到時真係企到直一直.
報名人數無五十也四十五,所以整間餐廳已經被包下.店子不算大,但也有派士馬電視,撞正世界杯時間,打蛇隨棍上問有無得睇波,得來回應係整座大廈無有線.可惜,都係一條心同隻羊困獸鬥吧.
看看大王張菜單,差不多近乎全羊.係有冰鎮西蘭花,同土豆絲作綠葉.這夜比羊肉轟得頭崩額裂,全部品評真係有難度,索性只講我最有印像果幾味吧.
羊餡餅厚度剛好,餡料的羊肉夠騷香,還有肉汁流出.一人一個已足夠,接下來的菜式,有排你受.冰鎮西蘭花,酸酸甜甜很爽脆.作為開胃的前菜也不錯,突如其來的酸奶,味道同Yogart差不多,名乎其實的酸.
香酥羊腩,真係so so,唔係麻麻,而係又酥又騷.外層香酥,肉味夠騷.一大窩魚羊鮮,算係全羊宴之中,比大家斗氣的一個緩衝區.一邊麻甩湯底,用來作魚肉火窩,淺嘗一片灼熟的魚片,也叫嫩滑.湯底,都幾麻.隔離果邊充滿著羊肉丸同羊肉.羊肉丸味道對辦,竟然吃出中東風情出來.
經過魚羊窩洗禮的羊肉,一如所料,充滿騷香.手爪飯,不知道是否意大利Risotto的近親?好吃便是,唔理得咁多.羊肉餃熱騰騰一口一隻,非常幸福.
全夜戲肉,原隻燒羊腿出場,一出場,三個嘩.第一,整條羊腿實在巨型,第二,上桌時聞到羊腿傳來的香氣,第三,當然係吃罷之後的反應.外層燒得香脆,肉質騷香嫩滑.無話可說.諗番起口水流到浸濕枕頭.
不過,全羊宴實在滯得要命,未到最後,已經拉停.始終羊肉個性太強,少食才會吃出滋味來,即係你都唔會下下都會想著去夜店,尋找個濃妝豔抹的Deep V女子,有時,都想有個像陳綺貞的女子躺在你的衣櫃,又者劉若英為你泡出九份的奶茶......
今次飯聚都幾特別,同檯有個海外食家,第一次參與飯聚,原來她來自北京.似乎,Openrice正在開始,向世界出發...
張貼
