La Serre

營業中

休息中

休息咗一排嘅 #太陽伯伯 ☀️呢兩日終於肯出嚟見吓我哋🤩 難得天氣咁好，梗係要出去行吓、順便搵啲好嘢食啦😉一直以來我都好想試吓一間起喺 #觀塘海濱公園 裡面嘅 #玻璃屋餐廳 #LaSerre，呢日終於安排到🤩 本來揀坐喺餐廳外面望住海旁，個景應該都唔錯，可惜天氣熱咗啲，最終我哋都係揀咗室內位置😅 雖然係室內，不過餐廳三面都被落地玻璃圍住，感覺好開陽😉 呢日我揀咗五成熟嘅 #肉眼扒 🥩做 #午餐，服務員先為我哋送上 #蔬菜湯，味道比較清淡，無咩特別🤤 不過件扒就比我想像中高質同大份，加上廚師控制得個火候啱啱好，切落去見到肉身保持粉紅色之外，咬落去仲有啲肉汁，口感唔會太乾🤤 不過最估唔到佢杯 #咖啡 都唔錯🤩 可惜lunch嘅時間實在太短，我哋只可以匆匆忙忙咁完成面前嘅食物🍽 如果有機會再嚟，我會揀夜晚嘅時份，好好咁欣賞下周邊嘅環境、enjoy一吓慢活嘅節奏🎑