老坑火鍋

營業中

休息中

其實我本人唔係咁鐘意打邊爐…但偏偏身邊總有幾個好鐘意打邊爐既人，所以偶然都會半推半就咁去打邊爐！不過，如果你約我去老坑火鍋，我就唔講任何廢話，乖乖地準時出現，全因為個蕃茄蟹湯底 ~蟹加海鮮加蕃茄撞出黎個種鮮甜次次令我忍唔住要飲起碼3腕湯~如果留到最後先食蟹，隻蟹就會過熟！所以我總係會係食到中間已經開始迫大家食蟹~每次第二開心就係食手切肥牛，佢地既擺法唔會同出面硬併出一大碟，而係層層疊，第一次黎既朋有友總會有錯覺以為得好少，成日建議要多叫一碟，但通常都會食食又覺得夠。今次既新嘗試就係~~~螄蚶係報紙雜誌見得多，但身邊無人肯同我食，所以到今時今日先係第一次嘗試螄蚶！好唔好食我就不敢識，因為係第一次食螄蚶。味道好鮮，但食得多就會覺得有腥！