影片
更多
2022-09-24
457 瀏覽
話說其實知道佢哋個集團好幾間餐廳都唔好食，早排老公話想約咁多位長老中環飲茶，就話不如試下呢間啦。我都真係有啲猶豫，但係都卜咗位先啦。咁啱喺食飯前一個星期約咗班姊妹去四季酒店Staycation（真心正，去咗兩三次，服務超好），大家都未食晏就喺IFC 亂咁行，比我哋行到上4樓，行行下見到佢，我話咁啱我又約咗長老下星期飲茶，不如大家陪我試下伏先啦我班義氣姊妹就陪我買咗啲外賣返酒店食🤦🏻♀️簡直係惡夢嘅開始我哋三個人買咗五百蚊午餐，外賣有折頭。叫嘢食嘅時候個經理啲態度都麻麻地，拎咗我張卡去碌咗勁耐都唔比返我，又嫌我哋揀嘢耐，咁你個餐係有嘢揀㗎嘛，想食主餐牌啲嘢又要問先肯比我哋睇，落落下單又行咗去。等咗一陣先拎到嘢食，返酒店開餐。先講粟米羹，無味，得個稠字，我唔知自己食咗啲咩。再到佢個菠蘿咕嚕肉，簡直係差！粉厚，肉又細又騷，又唔脆，可以列入我食過最差嘅咕嚕肉之一。個汁甜咗少少，菠蘿正常，三色椒正常，應該係成個菜最好食嗰樣🥲黑豚肉叉燒蛋飯個叉燒唔係鞋，但都唔係好食，唔似新鮮燒起，但比起其他嘢正常。叫咗個炒菜，完全無味，似重油烚嘅菜⋯仲有蒸點心，皮厚餡唔多，咁嘅價錢不如去食國金軒😒總體黎講呢到嘅午
我都真係有啲猶豫，但係都卜咗位先啦。
咁啱喺食飯前一個星期約咗班姊妹去四季酒店Staycation（真心正，去咗兩三次，服務超好），大家都未食晏就喺IFC 亂咁行，比我哋行到上4樓，行行下見到佢，我話咁啱我又約咗長老下星期飲茶，不如大家陪我試下伏先啦
我班義氣姊妹就陪我買咗啲外賣返酒店食🤦🏻♀️
簡直係惡夢嘅開始
我哋三個人買咗五百蚊午餐，外賣有折頭。
叫嘢食嘅時候個經理啲態度都麻麻地，拎咗我張卡去碌咗勁耐都唔比返我，又嫌我哋揀嘢耐，咁你個餐係有嘢揀㗎嘛，想食主餐牌啲嘢又要問先肯比我哋睇，落落下單又行咗去。
等咗一陣先拎到嘢食，返酒店開餐。
先講粟米羹，無味，得個稠字，我唔知自己食咗啲咩。
再到佢個菠蘿咕嚕肉，簡直係差！
粉厚，肉又細又騷，又唔脆，可以列入我食過最差嘅咕嚕肉之一。
個汁甜咗少少，菠蘿正常，三色椒正常，應該係成個菜最好食嗰樣🥲
黑豚肉叉燒蛋飯
個叉燒唔係鞋，但都唔係好食，唔似新鮮燒起，但比起其他嘢正常。
叫咗個炒菜，完全無味，似重油烚嘅菜⋯
仲有蒸點心，皮厚餡唔多，咁嘅價錢不如去食國金軒😒
總體黎講呢到嘅午餐好難食，唔知點解賣咁貴，可能係食海景，但比我唔會為咗個海景虐待自己個胃。
食完呢個午餐之後我9秒9打去取消咗我下星期個Booking，費事帶四大長老去比佢哋彈🤦🏻♀️
張貼