滿小館

營業中

休息中

尖東有間中菜館主打點心同小炒，星期六日中午時段更有精選點心推廣活動。店內環境大，空間感足，座位闊落，適合聚餐。推廣餐牌會定期更換，共六款。鵪鶉蛋燒賣、乾蒸牛肉、錦滷雲吞、懷舊紙包骨、蛋散百花蜜同香芒海鮮卷。燒賣牛肉即叫即整，肉香味出、雲吞蛋散炸至酥脆，薄身唔油膩，當係零食都幾過癮。蒸點有山竹牛肉球，大大粒，帶點咬口、香辣醬皇鳳爪超級入味，唔辣味濃，令人一試難忘、香芋頭蒸排骨份量多，味道清淡，建議搭配鳳爪醬汁。炸物有千絲牛柳酥，外層香口，鬆散，牛肉餡料飽滿、芝士海鮮塔行新派路線，塔皮酥，味道足、奇脆鮮蝦腐皮卷好足料，內裡彈牙。最後記得要買甜點楊枝甘露凍夠凍夠甜，椰香鮮芒卷軟糯可口，出面未見過。