🔸🔹🔸🔹🔸🔹🔸🔹🔸🔹🔸🔹🔸🔹
酒釀蜜柑芝士布丁+豆腐雪糕｜⭐⭐⭐⭐⭐｜$52+$15
蜜柑很甜，酒釀傳黎淡淡酒香及米香，芝士布丁好軟滑，酒釀同蜜柑嘅清新完全解到芝士布丁嘅膩。豆腐雪糕好大球，好濃豆腐味，奶嘅比例唔多，完全唔會遮蓋豆腐味。
茅台拿鐵朱古力布丁｜⭐⭐⭐⭐｜$58
面頭果塊係白朱古力薄脆片，敲碎佢再淋上茅台拿鐵醬，𢳂落去，朱古力布丁質感實淨之餘又夠滑，明顯落足料。白朱古力薄脆片唔係想象中咁重奶味同死甜，仲好脆! 茅台拿鐵醬酒精味恰到好處，拿鐵中和左茅台陣酒精味，有酒味之餘又唔會乸喉。三種味道一齊入口，但層次分明，夠晒特別。
但強烈建議大家唔好食飽去食，朱古力布丁個實淨程度唔係女人有多個甜品胃就可以食得落🫣。
茱莉花白蘭茶｜⭐⭐⭐⭐⭐｜$38
聞係白蘭花味香d，飲落係茱莉花味重d。好新奇好好飲! 但唔好浸太耐，因為兩種花都偏苦，加埋一齊浸得耐真係不得了🤣。建議一上檯試左個味啱飲就即刻拎起個茶包。
🔸🔹🔸🔹🔸🔹🔸🔹🔸🔹🔸🔹🔸🔹
整體感覺：甜品夠晒創意又足料! 雖然價錢睇落備貴，但其實食完之後覺得無論用料抑或味道，都係值得嘅!，餐廳裝修懷舊，令人感覺好似返左去60, 70年代咁，遠離煩囂，只可惜光顧當日有幾檯客人太嘈，令到我地返返現實🌚。服務方面，因為樓面要兼顧埋廚房，好在餐廳用QR Code 落單，唔駛等佢地黎招呼。
