美心皇宮 (已結業)

一直都提唔起勁去美心皇宮飲茶, 皆因排隊的人龍長得駭人, 加上同事話都唔平, 食物唔係話特別好, 建議我唔值得去嘗試... (但唔知點解, 佢自己又話個個星期日都係去美心皇宮飲茶嘅喎)
尋晚搐起條筋, 不如去試下囉... 打電話去訂位, 話Full晒要Walk-in... 決定早一點去搵位, 12點前到達順利直入...

店外環境

店外環境

店內是一貫美心皇宮慣常用的水晶吊燈, 金碧輝煌的裝潢, 懷舊的手推點心車... 老一輩鍾愛的元素它都有, 也難怪門外經常擠滿等位的人...

店內環境

點心紙可選擇的點心著實不多, 選了2個點心後便開始四處找獵物...

茶芥

手推點心車

第一架在我面前出現的點心車, 是賣粥的... 先來一客菜乾豬骨粥... 粥底夠綿, 蠻足料的, 粥內有蠔豉唷...

手推點心車

2

菜乾豬骨粥

看到另一點心車出現, 合桃酥, 幾吸引喎... 好多合桃黐係面, 足料... 入面係蓮蓉同好細片鹹蛋黃, 蓮蓉少甜, OK順滑, 酥皮濕黏黏的, 影響整體印象...

2

合桃酥

紫米地瓜糕是點心紙上的Highlight項目, 外型討好, 紫米好香, 少甜, 少少硬, 帶點黏糯, 著實不錯, 但未致為之著迷...

1

紫米地瓜糕

XO醬煎腸粉落單後半小時才出現, XO醬只有1茶匙的份量, 放在煎腸粉的頂部, 只是豉油煎腸粉吧了... 味道也不錯, 有豉油味, 少鹹少甜, 香味欠奉... 蘸點甜醬麻醬, 與白腸粉無異...

XO醬煎腸粉

再向點心車埋手, 潮州蒸粉果, 不難吃也不好特別吃, 中規中矩...

1

潮州蒸粉果

後來再叫多2個點心, 3個人食了$270, 果然同同事講的一樣, 唔平兼食物唔係話特別好...