影片
更多
2022-09-28
1016 瀏覽
趁住放假，好努力咁去食😂家人一知道我放假，就不停有想去嘅餐廳😂今次黎到太平館餐廳。如果想訂位，就要中午12點前，中午12點後一律 walk in，下午茶就晏晝2:45開始。我哋book咗11:50😌我哋叫咗3份午餐一齊 share 食，全部午餐都有餐包、湯或沙律，同一杯餐飲。葡汁焗四蔬飯 ($74)蔬菜全部大大件，唔會好碎。飯係另上，唔會同葡汁放埋一齊焗。砵酒焗牛脷飯 ($88)一黎到就聞到好香，而且每件牛脷都大片，份量鋪滿飯面🍚唯一就係飯係鋪底，所以個汁浸到個飯有啲濕，汁撈飯嘅感覺。太平館瑞士汁干炒牛河 ($92)係餐廳出名嘅食物之一，難得黎到，一定要叫。見到個賣相時，個瑞士汁好似漿糊咁鋪係面，未食嘅時候，以為打芡重手咗。但當撈埋嘅時候，就啱啱好👍🏻味道偏甜，落單嘅時候，職員已經介紹過。總括來說，所有食物都好濃味，連餐湯都好鹹。梳乎厘似乎都係必試，但實在太飽🤦🏻♀️餐飲我哋叫咗咖啡，係即磨咖啡，好香濃，飲完有陣淡淡嘅回甘，唔會酸❤️食到一半嘅時候，聽到隔離枱叫『岑味牛脷』。家人見我一臉疑惑，就解釋俾我知背後嘅故事😂餐廳係一間好有歷史嘅餐廳，有好多老顧客黎食飯，12點後有一、兩張空枱，但
家人一知道我放假，就不停有想去嘅餐廳😂
今次黎到太平館餐廳。
如果想訂位，就要中午12點前，中午12點後一律 walk in，下午茶就晏晝2:45開始。
我哋book咗11:50😌
我哋叫咗3份午餐一齊 share 食，全部午餐都有餐包、湯或沙律，同一杯餐飲。
葡汁焗四蔬飯 ($74)
蔬菜全部大大件，唔會好碎。
飯係另上，唔會同葡汁放埋一齊焗。
砵酒焗牛脷飯 ($88)
一黎到就聞到好香，而且每件牛脷都大片，份量鋪滿飯面🍚
唯一就係飯係鋪底，所以個汁浸到個飯有啲濕，汁撈飯嘅感覺。
太平館瑞士汁干炒牛河 ($92)
係餐廳出名嘅食物之一，難得黎到，一定要叫。
見到個賣相時，個瑞士汁好似漿糊咁鋪係面，未食嘅時候，以為打芡重手咗。但當撈埋嘅時候，就啱啱好👍🏻
味道偏甜，落單嘅時候，職員已經介紹過。
總括來說，所有食物都好濃味，連餐湯都好鹹。梳乎厘似乎都係必試，但實在太飽🤦🏻♀️
餐飲我哋叫咗咖啡，係即磨咖啡，好香濃，飲完有陣淡淡嘅回甘，唔會酸❤️
食到一半嘅時候，聽到隔離枱叫『岑味牛脷』。家人見我一臉疑惑，就解釋俾我知背後嘅故事😂
餐廳係一間好有歷史嘅餐廳，有好多老顧客黎食飯，12點後有一、兩張空枱，但有客人想walk in，職員就話無位🤔，應該係留枱俾老顧客吧。
餐廳同某啲老店一樣，職員講嘢比較大聲，有時會覺得粗聲粗氣，但我相信哩個都係老店嘅文化。如果大家有機會，可以黎試下，感受一下餐廳嘅風味。
張貼
