三不館車仔麵 (登發街)

營業中

休息中

行街經過無意中發現呢間車仔麵，見佢裝修幾懷舊幾得意，就試下，店員好有熱誠咁招呼客人，抵讚，點餐點係彩印既，有放誠意去做，四餸一麵都只係 $48，幾抵食呀，一邊等，一邊欣賞裝修，好得意。祖傳三代，現今為第一代。百年老店，尚欠九十九年。相當有趣，玩味又有特色！麻辣同個豬手既味感覺唔夾，下次試下沙薑豬手睇下如何，豬紅正常味，豬大腸好肥美，通菜好爽脆，辣汁味道惹味。蘿蔔好清甜，咖喱魷魚爽口，咖喱味夠出，陳皮魚旦結實，雞腎就略嫌太硬了，唔好食，湯底味道幾好，唔似有味精，麵底份量足夠，有咬口剛好。呢度既所有餸都係均一價既，叫啲貴價既食材感覺更加抵🙈