影片
更多
2023-04-26
1732 瀏覽
朋友聚會最好就係圍爐烚下烚下，邊食邊傾至開心，雖然平日應該唔會太多人，但都預早訂定位廢事walk in等餐死店員安排左卡位座比我地，夠哂闊落，餐廳嘅裝修係懷舊香港佈置作主題，即時有種街邊地道打邊爐嘅感覺餐牌上湯底都有好幾款，最後揀左花雕醉雞鍋，好快就上左湯底，已經聞到陣陣花雕味，先等湯底滾起，店員幫忙將醉雞件放入湯中，再滾多6分鐘雞件就可以食，雞肉煮熟剛剛好，入口嫩滑肉厚，食到啖啖花雕酒醉香味，味道剛剛好又唔會太過濃火鍋配料都有幾十款，另外仲有數款小食選擇，叫左個即炸響鈴食住等湯底煲滾，響鈴炸得好酥脆可口，比一般外面食到嘅響鈴更薄脆，另外配左個甜酸汁點黎食，非常開胃食完個小食，就黎開動打邊爐啦，點少得重點必叫嘅牛肉，我地叫左個小份嘅安格斯牛肉，灼到半熟就食得，厚薄切得適中，入口好濃郁牛味，口感非常軟熟烚下烚下一定會叫魚滑蝦滑，不得不讚依度個蟹籽蝦滑真心真材實料，真係全部都蝦肉，食落非常爽口彈牙，食得出係新鮮蝦肉打成，鮮味十足，完全唔同外間食開嗰種溝左漿嘅質感呢梅菜豬肉丸有半份同全份，我地叫左半份有四粒，食落好香梅菜香，口感彈牙，豬肉同梅菜甜味兼備，豬肉丸入面混左勁多梅菜，好好食，係我私
店員安排左卡位座比我地，夠哂闊落，餐廳嘅裝修係懷舊香港佈置作主題，即時有種街邊地道打邊爐嘅感覺
餐牌上湯底都有好幾款，最後揀左花雕醉雞鍋，好快就上左湯底，已經聞到陣陣花雕味，先等湯底滾起，店員幫忙將醉雞件放入湯中，再滾多6分鐘雞件就可以食，雞肉煮熟剛剛好，入口嫩滑肉厚，食到啖啖花雕酒醉香味，味道剛剛好又唔會太過濃
火鍋配料都有幾十款，另外仲有數款小食選擇，叫左個即炸響鈴食住等湯底煲滾，響鈴炸得好酥脆可口，比一般外面食到嘅響鈴更薄脆，另外配左個甜酸汁點黎食，非常開胃
食完個小食，就黎開動打邊爐啦，點少得重點必叫嘅牛肉，我地叫左個小份嘅安格斯牛肉，灼到半熟就食得，厚薄切得適中，入口好濃郁牛味，口感非常軟熟
烚下烚下一定會叫魚滑蝦滑，不得不讚依度個蟹籽蝦滑真心真材實料，真係全部都蝦肉，食落非常爽口彈牙，食得出係新鮮蝦肉打成，鮮味十足，完全唔同外間食開嗰種溝左漿嘅質感呢
梅菜豬肉丸有半份同全份，我地叫左半份有四粒，食落好香梅菜香，口感彈牙，豬肉同梅菜甜味兼備，豬肉丸入面混左勁多梅菜，好好食，係我私心推薦💕
芫茜炸菜牛肉丸都係叫左半份，同豬肉丸一樣夠哂彈牙之餘，芫茜嘅青香味係口中徘徊，鍾意食芫茜嘅人必定愛上
另外仲叫左鮮蝦雲吞、煎午餐肉、稻庭烏冬同田園拼盤，而蔬菜藍有唐生菜、西洋菜、娃娃菜、粟米、油麥菜，可以食齊幾款菜，好抵食
打邊爐點少得啤酒藍妹，我唔飲酒就叫左杯大檸樂，用大啤酒杯盛住，真係大超級大杯，夠哂2個人飲
最後食埋甜品啫喱，另再點左個懷𡚒糖不甩，麻薯整成魚嘅形狀，店員幫忙將麻薯放入湯鍋中煮熟，煮完再放返上碟拌匀花生芝麻，食落有鹹有甜嘅味道，好得意，口感好軟糯，原來以前嘅糖不甩係依個味道，不防一試
整體而言，食物質素唔錯，不得不稱讚服務100分，店員定時定候會過黎清理碗碟同加湯，非常周到體貼！
張貼
