Goobne Chicken (M88) (已結業)

上個暑假去左韓國做野，個陣食足兩個月韓國野就梗係食到唔想食。事隔一年，同一齊係個班韓國同事聚會既時候，梗係少不免要去返韓國鋪頭到食野啦～之前試過李家炸雞同其他都係天文台道既鋪頭，今次就試下呢間 goobne！係中環就返公司放工位，非常方便，同埋呢間好似係唯一一間 goobne 可以訂位～ 有埋訂位優惠所以就 book 左係中環啦～ 老實講，係韓國個個陣就冇食 goobne 既，因為覺得香港有分店就冇試過，但試過之後，就覺得冇因為係過江龍所以失左水準（你知啦好多外地既鋪頭一去左香港就變左兩隻味咖啦～）佢啲炸雞係正既，份量足，好食，夠滑唔「鞋」。好適合一大班朋友去食飯個陣食，服務都唔錯。個日其實 floor 啲 waiter 一望就知唔多，但態度都冇話好差，上菜都快手～好食固然好食，但重點係我想食返以前係韓國食既味道，而呢間係做到既～都冇話為左迎合香港人口味變左太多，所以我buy。炸雞就出名就梗係要飲啤酒，但小弟我就唔太飲得酒既…但個個都飲都冇理由唔飲啊～就嗌個 apple cider 試試先，佢兩支變一杯，真係好適合我呢啲食飯要飲勁多野勁多水既人，價錢仲好ＯＫ～下次我應該會帶女朋友去試下