龍寶酒家

營業中

休息中

29/4(星期三）下午打電話去觀塘龍寶訂枱3/5(星期六）食晚飯慶祝母親節，問清楚當晚有冇富貴六和菜套餐$638（星期六丶日假期另收$50），職員答覆有得叫，於是我哋訂位。今日下午4:58分再打多次電話去龍寶再一次確認，職員再答覆有得叫富貴六和菜套餐。今晚齊人上到去職員話冇得叫富貴六和菜套餐，態度非常惡劣，大大聲話冇可能有同事會咁樣答我哋。又叫我哋細聲啲唔好嘈要佢哋難做。我哋覺得佢哋做生意嘅手法唔老實所以決定離開，之後話俾返個富貴六和菜餐牌我哋，仲叫我哋不如留低食，即時出去搵位都未必搵到。我哋即刻離開過去對面walk-in食晚飯，即刻入座唔使等。請大家小心留意觀塘龍寶的唔老實手法，諗住俾次機會龍寶試吓新舖嘅質素，點知換來一肚氣，決定永久唔會再去。