八幡屋涮涮鍋

營業中

休息中

做咗一整天嘅工，下班想食啲好嘢嚟慰勞自己，約咗同事去八幡屋放題240分鐘。我哋揀咗D4套餐，所有食物都可以任食，連啤酒都可以任飲，真係好享受當下。我哋邊傾邊等，食物好快就上枱。我哋揀咗麻辣湯底，難得週末到嚟，刺激一下腸胃。對我嚟講，日本A4黑毛和牛肉真係超級無敵好食，賣相又好睇，食落去又好柔軟，牛味十足，值得食。其次就係龍蝦肉，多汁又肥美，回味無窮。海鮮更加係任食追加，鮑魚、蠔、蟶子等，其他貝類海鮮任君選擇，每種海鮮都好新鮮，尤其係鮑魚任食，感覺都回本啦。我仲要推薦呢度嘅咖哩魚旦，魚旦入面滿滿嘅咖哩汁，仲非常彈牙，食得好爽快。有興趣嘅朋友有空真係要嚟試一試。