牧羊少年咖啡館 (香港文化博物館)

營業中

休息中

上星期朋友約左今日去沙田文化博物館,小朋友放暑假帶佢來睇下玩下,有間餐廳食完再去兒童探知館慢慢玩「牧羊少年慢遞館」,這些百子櫃郵箱是存放慢遞信件,百子櫃上分好月份日子,一年後才郵寄出去,你有說話想跟未來的自己,朋友,家人講嗎,好特別呀,原來朋友也有寄過。暑假期間,人超多,4人檯要等6張,戶外約有6-8張大檯,每張可坐10多人,不屬於牧羊餐廳的,但我地選擇左叫外賣帶出外面坐,外賣落單後等左陣,手上籌號就到,問侍應可否轉入餐廳坐,親切既侍應話沒問題,但如果已裝好外賣盒就不能轉回堂食餐碟,我地緊系沒問題喇。英式早餐$85,份量正常,內有9款食物,有肉類,蛋白質,豆類,蔬菜,牛角包,仲有Omega 3,朋友仔仔食得好開心,充滿活力準備去玩。黑松露野菌意大利粉$72,菇菌類意粉一向是我首選,濃郁既忌廉,黑松露醬,洋蔥,芝士,野菌,意粉韌度剛好,忌廉菇菌汁醬很好味,但菇類較乾身未夠入味。拿破崙煙豬腿意大利粉$68,鋪在意粉上的酸忌廉和濃郁蕃茄醬攪拌後,既美味又超開胃,有不少切成條狀嫩滑既煙豬腿,蕃茄仔。酸酸味味,超醒胃,酸忌廉意粉要成為我首選了。