影片
更多
2015-08-24
1531 瀏覽
足足戰鬥左 3 小時半既 fine dinner，好滿足！一行四人三娘教子式陣營，殺入 Sky！豪不猶豫、不慌不忙、輕搖淡寫地不斷翻弄 main menu 及 drink menu，開始計計我地今餐可以試到幾多款頭盤、主菜、甜品、飲品呢？步入 Sky 所在既大廈，升降機直衝頂層 25 樓！門一開就見到餐廳全貌，成一公整長方形，酒吧、廚房都清楚可見，開放式廚房可讓廚師及食客交留一番，令我聯想起壽司吧呢。現時晚上七點幾，晚市時間尚早，所以只有五成 full。我地坐係落地玻璃旁景觀開揚，居高臨下盡覽旺角街景。坐得都幾舒服，餐桌數量及擺位未算過份擠迫，還可接受。裝潢新穎前衛又不失高級西餐既傳統格調，帶出 warm 既感覺更能提高食慾及愉快感。仲發現身處環境被好多 ideal、homemade 既壁畫包圍，有寫實、有人像、有抽象，顏色鮮明極具吸引力，有趣！大家都坐左段時間喇，依然埋頭苦幹地刨 menu，到底食咩好呢？樣樣都想試！不要再猶豫了，叫左 drinks 先，跟住頭盤、湯、主菜、甜品。因為第一次黎，所以多事叮囑講多句請續道菜上，完左頭盤先上湯之後主菜，唔夠位放呢。但最後結果都係撞埋一齊，唔
現時晚上七點幾，晚市時間尚早，所以只有五成 full。我地坐係落地玻璃旁景觀開揚，居高臨下盡覽旺角街景。坐得都幾舒服，餐桌數量及擺位未算過份擠迫，還可接受。裝潢新穎前衛又不失高級西餐既傳統格調，帶出 warm 既感覺更能提高食慾及愉快感。仲發現身處環境被好多 ideal、homemade 既壁畫包圍，有寫實、有人像、有抽象，顏色鮮明極具吸引力，有趣！
大家都坐左段時間喇，依然埋頭苦幹地刨 menu，到底食咩好呢？樣樣都想試！不要再猶豫了，叫左 drinks 先，跟住頭盤、湯、主菜、甜品。因為第一次黎，所以多事叮囑講多句請續道菜上，完左頭盤先上湯之後主菜，唔夠位放呢。但最後結果都係撞埋一齊，唔夠位放之餘仲要食得急左，快快清左道菜騰出空間！又以為漏左個頭盤鵝肝，點知飲完湯先到。最離譜主菜牛面額由七點半等到十點半終於都到，從那裡搭飛機黎呢？其間已經向經理及侍應反映，但最終要同當值大廚講囉，十幾分鐘即到。
餐桌上擺設同配套都好別緻，特別係黑色塗層餐具，好有份量既刀叉，而且好靚啊！
Lemon & Thyme，welcome drink，強酸一樣！帶點糖水味、鮮檸汁味，果香及酒香混和。依個酸度我還接受到呀，仲好醒胃。大部份食客都覺得酸過頭，我飲開勁酸檸什無問題啦﹗
Mountain goat，依隻生啤完全未聽過，我依款宅佬甚少出城，孤陋寡聞好正常。第一次品嚐，啤酒夠冰凍，甘苦味好出，甜味較弱，質感算厚，滿意既。跟住到 house wine 喇，boby 都係厚身我鍾意，味濃不澀夠滿意，合格，可以添飲。
超滑無鹽淡牛油，滑到 cream 一樣，淡牛油唔會蓋過麵包原味，而且麵包香草味濃，最衰係凍麵包。估唔到依個牛油麵包加生啤既配搭會係天衣無縫，令到麵包更香，仲令到啤酒浸出甜味呢。
牛油白酒煮藍青口，點會咁架？係我食過最好味、最鮮甜、最滑溜彈牙、最 juicy 即白酒藍青口呢！必食！藍青口天然咸香，撞埋白酒清爽甜味加淡牛油香氣，絕配 ﹗每款食材既份量恰到好處，就連配菜既蕃茄蒜片都非常美味，神內之筆也。但我搵極都唔見有 pepperoni 既？Menu 上面有寫架喎。
三文魚他他配黑蒜辣根泡沫，聽個菜名已經好鬼份子料理感覺。他他組合混上三文魚粒、三文魚籽、蕃茄粒、青瓜片、香草、等等，香氣味道都非常清新脫俗。必定要加上特別的翠綠色辣根泡沬，辣根即係山葵 wasabi，濃郁既味道好神 奇，但完全不辣不嗆，係香草味？係薄荷味？係忌廉？說不出！自己試試吧，好味！緊記每一口都要有齊全家人，三文魚、魚籽、蕃茄、青瓜、cream 混為一體，口感味道層次十分精彩，最緊要溫度夠清涼。
香煎五色胡椒吞拿魚伴芒果醬，顏色鮮豔奪目，七彩繽紛，好靚！到現時為止每款菜式都精心設計，外觀無得輸！大啖品嘗，芒果唔太食到呢，不過彩椒味強烈，清甜多汁又爽口，好喜歡最底層既大麥粉團混上青瓜碎，味道非常清新又特別，口感仲好得意添，好似意大利小米嚥嚥韌韌。頂層同底層既演繹即時將主角既吞拿魚比了下去！吞拿魚外層烤得香脆，中間棉滑帶微微鮮魚味道，將所有配料一齊食，味道同口感都非常豐富，讚！但搵唔到 5 色胡椒粒喎，我屋企都有一樽看門口呢。另外，Mango with salsa 翻譯成芒果醬令我有點誤會呢，我真係以為醬添。
焦糖低溫浸鵝肝，第一次凍食鵝肝，賣相唔洗講係 No.1 啦。鵝肝肥美油潤俱光澤，味道濃郁，幼滑濕潤，估唔度感覺會咁清爽架，完全沒有半點油膩感，點少少草莓果醬更醒胃。配埋焦糖餅底帶少少脆口，特別而有驚喜，滿足！一開四，四個人分，少食多冶味。
酥皮焗半乾蕃茄，睇個名真係估您唔到囉！原來係冷盤黎。半乾蕃茄超冰凍，十足雪櫃剛放出黎，不過凍得好爽好過癮。因為失去部份水份程半乾狀態，所以蕃茄味道濃縮起來，濃郁蕃茄汁非常清甜，比一般鮮茄味道香濃幾倍呀！淨食蕃茄已經好滿足，加一點芝士碎可點綴一下。室溫既酥皮好乾爽鬆化，完全無半點油膩感，好明顯係自家做，但味道過份清淡，跟凍茄味道唔多夾呢，酥皮都係配濃味醬或餡料較適合。食完幾個頭盤已發覺個 menu 資料有點問題，令我有好多疑問呢 ﹗
經過一輪一皇三后既激烈前奏後，終於黎到今晚 rundown 既 part 2 喇 ﹗我最喜歡飲湯的呢。
野菌黑松露忌廉湯，溫度還算滿意，都夠熱。鬼佬湯傳統都唔會出晒煙滾晒咁上枱架喇！其實不輪中湯或西湯我都鍾意出晒煙剛剛燙咀既溫度，最香最好味。食唔出泡沫係咩成份，抱歉。打碎左既野菌，做成厚厚濃縮菌湯香到不得了，直頭係菌汁，遠遠已經聞得到！混上黑松露，香氣係口腔內久久不散，而且非常幼滑香濃，認唔住不停地一羹接一羹地送入口，好美味啊！搞到我掛住法式忌廉蠔湯囉，同樣將蠔打碎。嘩！蠔味超濃縮，好懷念呀！
法式洋蔥湯，非常靜態既演繹，侍應靜靜地放下就離開。洋蔥湯沒發出半點聲音，亦無任何動作，非常寂靜。為左打破悶局，我唯有出手啦！大大力插到底，發現洋蔥載得滿滿的，反而令到湯水太少啊。傳統地係面放塊多士加芝士，多士索盡湯汁又有降溫作用，所以湯只係微暖，不過真係唔夠熱喎，芝士又得一篤仔，我印象中應該同多士一樣大小呢。連渣帶湯送入口，好甜既洋蔥味，免強飲得到淡淡牛清湯味道，似乎炒洋蔥時落糖稍多左，味道太嗆，整體滿意既。因為我一向唔多食甜品，連飲咖啡都要走糖走奶，此湯不太適合我。
西瓜凍湯，賣相就好靚喇，血紅色既湯汁添上緣色薄荷葉及撒上薄荷粉作點綴，紅撞綠對比鮮明，極為吸引增加食慾。輕嚐一口，好甜好濃縮既西瓜汁呢，甜得過份，可以放到最後做甜品，一來太甜、二來唔夠凍，接近室溫。回想我係半島個西班牙蕃茄凍湯清爽涼快既味道及感覺，仲有特別既金屬器皿用冰填住，依隻西瓜完全被比下去了。
Sky 只供應 3 款湯，part 2 完畢。中場黎個香煎美國蘆筍，清甜爽嫩多汁，脆口沒半點渣，少少牛油煎香已經好好味，滿分無投訴。終於都到主菜出場，幸好我食到依家都未夠 5 成飽呢，狀態大勇！
龍蝦油蕃茄虎蝦意大利粉，熱辣辣送到，好香喎！仲幾靚仔。慢煮虎蝦非常爽彈且蝦味濃，保持原有天然鮮甜味，蝦肉約八九成熟，好香好爽好甜，perfect！意粉撈上龍蝦油同炒，份量均勻不過份不油膩，剛好黏上個吋意粉。感覺得到的回香龍蝦味道，再併上蕃茄及香草，撞得精彩又非常地夾！彈牙嚥韌既意粉在舌頭及齒縫間打轉，堅好味，超水準！我想整碟據為己有，但四個人只能分到一小碟啊，哈哈。
墨西哥燒雞好好味，比想象中好食百倍，外皮好香，裡面嫩滑 juicy，配上特色墨西哥香料酸辣醬更添風味又開胃，但要我一個人要食 4 份 3 隻雞實在有壓力，雖然我食得晒，而且好味道，但我仲要留 quota 食多幾款菜架麻！伴碟既焗蒜子粉口又夠香，十足炸蒜子。隊完隻雞搞到 8 成多飽喇，慘！
燒 16 小時慢煮辣豬肋排，死喇！開始食唔落呀！豬肉勁腍，旁邊既脂肪膠口滑溜，比係其他餐廳食開既豬肋骨較多肉較肥美。豬味十分濃郁，塗上厚厚既甜醬汁，但辣味完全感受唔到，再配上甜既燒烤醬，食落都幾滯呢。我比較鍾意有咬口、彈牙既肋排，多於依家腍到散開既肉碎囉。
慢燒牛面額，等左兩個幾鐘既牛面額，又漏單又去錯又再煮過，終於送到。期望過高，全 menu 最貴，約 4 百大元左右，我寧願食潮式清湯牛腩既牛面珠好食百倍。依舊雖然賣相出眾又吸引，但質地腍到散開，味道微羶，我完全覺得自己係食緊炆羊膝，質感味道演繹都一模一樣。
開心既時間好快過，話咁快又到尾聲喇！甜品時間！雖然我唔太吃甜，不過間中都會食甜品，尤其是豐富晚餐後。
最好味係第一道 baileys 牛奶慕絲，配上大量什草莓同吃，連我唔食甜品既都超讚，必食！酸度高既草莓配上極甜牛奶剛剛好互相中和，滑溜溜，味道酸酸甜甜好醒神。云尼拿酒微微既酒香將草莓跟牛奶慕絲既味道帶到更高層次，既複雜而細緻，推介。
朱古力心太軟？唔流心，唔開心。黑朱古力味夠濃郁還可以，但完全無冰火感覺囉。雪糕唔夠冰凍、蛋糕又唔夠熱、過熟唔流心，我係屋企整好食過佢！只係特別地有幾舊橙墊底，叫有點創意。
燋糖燉蛋，大家意見一致覺得面層燋糖太厚，蝦餅咁厚，並不是薄薄的一層鍍膜，亦不是一碰就碎的脆片。用點飲奶力將燋糖敲破，真係幾硬下，終可品嚐到下面既燉蛋。燉蛋合格大路滿意，滑而帶蛋香，反而做得太過薄，口感不足，味道都幾甜。
藍莓芝士蛋糕非常普通，不過不失無驚喜，pacific coffee 比佢更好味！有機會比一比味道及質感。
結尾黎左杯車厘子味既咳藥水，朋友們話好勁，但對我依個酒鬼黎講似飲糖水，唔口味，太甜喇！
今晚食得開心！飲得暢快！感謝要請我參加飯聚，辛苦晒所有老闆、廚師、調酒師、經理、侍應既熱情招待，thank you。
張貼
