大家樂 (荃新天地)

營業中

休息中

今日雖然返學既時間唔算早，但好遲先放學。所以早起身去享受個早餐。呢間大記始終唔係位於市中心，所以人係比較少。當然就會靜啦。鮮油餐包唔知點解個餐包係唔熱既，不過配上鮮油，我覺得好似食緊舊唔熱既菠蘿包。如果個餐包烘一烘，一定會好好食架。炒蛋今次好新鮮啊，好夠熱，蛋又好滑。而且個炒蛋比較大份，不過最好食既炒蛋都係澳洲牛奶。鮮奶麥皮呢麥皮有會落牛奶，但有會落鮮奶。呢間就加左煉奶既，唔係唔好食既。不過我都係鍾意無添加既麥皮配上白糖，咁先至好食架。凍奶茶無乜會失手既飲品，朝早飲番杯，人都醒。呢間大家樂真係好靜，不過享受早餐都係要間靜既好。