寿司の神 (已結業)

再踏足元朗就係為咗食另一間嘅廚師發辦，其實唔係好明點解咁多比較貴嘅日式餐廳都會開係元朗? 不過相信元朗區啲人都幾有錢~ 由西鐵沿住條河走，就會見到間餐廳嫁喇餐廳燈光較暗，最光嘅位置就坐落係吧枱到，即係廚師表演身手嘅舞台，可惜由於係中秋前夕，所以吧枱早早已經無曬位，唯有坐一般嘅枱啦睇完餐牌都係唔知食咩，所以唔洗睇太耐，哈哈落單一陣，店員就好快遞上前菜，就係鴨胸沙律，呢件鴨肉未食都知幾肥美，因為佢本身嘅脂肪被煎出，令鴨胸都非常亮麗，口感唔太粗糙，但係就略厭有啲韌，難咬開，好彩有生菜同生嘅洋蔥一齊食，所以味道唔會太過油膩當我仲食緊沙律嘅時候，呢個產自日本長崎嘅生蠔就送到上枱面喇，上面放上小撮芽蔥，同少量醬汁，食落唔會腥之餘，仲可以食到鮮味嫁跟住就係漫長嘅等待，雖則係廚師發辦，但係當其他客人後來居上，同等咗大半個鐘，都未上下一道食物嘅時候，心急嘅香港人真係如坐針氈，究竟我啲野食到未啊???好在呢個係一個有止境嘅等待，半個鍾後，餐廳終於遞上幾款刺身，分別有鱸魚、深海池魚同拖羅首先由鱸魚食起，店員話唔好將鱸魚點落酸汁到，而係將酸汁入面嘅青蔥夾起，再連同鱸魚一齊食，相信係唔想酸汁蓋過鮮味，可惜鱸魚味