君悅咖啡廳

營業中

休息中

傳聞呢度嘅海南雞飯好好味，過年🧧一於嚟試吓！佢個set Menu其實都有六至七樣嘢揀嘅，咁當然我就揀咗海南雞飯啦，頭盤我就揀咗龍蝦湯🦞。首先佢會嚟一籃麵包🍞，不過冇乜驚喜，其中個croissants,🥐比較香口，其他嗰兩個當中包括🥖，好硬，根本咬唔落，唔好嘥咗個胃。至於個龍蝦湯🦞，夠濃郁，亦都多龍蝦肉。去到主菜海南雞飯，我就揀咗雞髀位，啲肉係好滑嘅，相對亦都比較肥，所以啲皮係比較厚。個湯好好味，至於碗油飯亦都夠乾身，就算連個配菜嘅菜心都係嫩口嘅。甜品我就揀咗綠茶雪糕，不過走咗之後先至醒起自己唔記得飲咖啡或茶，個餐Menu寫住包埋，但係服務員都冇提醒我哋，而當日嘅服務亦都唔算特別好，問佢甜品包啲乜嘢雪糕，都要問一輪先至有答案。