影片
更多
2016-12-05
596 瀏覽
放假周圍搵野食是常識吧，見相哩間個feel唔錯就諗住試下。去到岩岩有張4人枱食完走人，唔洗等位👍不過之後先係火滾嘅開始睇睇下餐牌時，個類似老闆娘嘅物體粒聲都唔出，走黎移我地張枱，去就格離枱客入座，仲要掃跌左個老婆放枱面個私伙水樽，佢望一望，又係一句表示都無，反而另一個伙記走黎唔好意思前唔好意思後先由佢(可能佢都見慣見熟)。唔想影響心情，繼續點餐。叫左個常餐，淡芝士牛肉多士，老婆叫左個溫泉旦咖哩雞肉烏冬，老婆唔方便食太生嘅旦，想轉全熟旦，老細喺開放式廚房嗌出黎話轉要等九個字，呃鬼佬咩，蒸煮炆燉炸做晒都唔洗九個字啦，唔想同佢討論，叫佢另上算。(其間偷聽到隔離枱問常餐通粉唔跟叉燒有無得轉其他餸，老闆又係嗌出黎話：「無得轉，一係就乜都唔好要」😰，睇黎老闆兩公婆都有d料黎)食物終於上枱，常餐都穩打穩札，係餐牌上面明明係自家製炭燒叉燒，變左普通燒味鋪嗰隻，都明白實物實有出入，無太大問題；個溫泉旦咖哩雞肉烏冬，可能我見識少，一心諗住係日式甜咖哩嗰隻，老婆一試，「頂，印度黎嘅」仲要都幾辣，老婆食左兩啖已經食唔到，咁我唯有同佢交換啦。跟住到最大騙案，淡芝士牛肉多士，完全唔係嗰回事，應該叫「芝士淡牛肉面包
去到岩岩有張4人枱食完走人，唔洗等位👍
不過之後先係火滾嘅開始
睇睇下餐牌時，個類似老闆娘嘅物體粒聲都唔出，走黎移我地張枱，去就格離枱客入座，仲要掃跌左個老婆放枱面個私伙水樽，佢望一望，又係一句表示都無，反而另一個伙記走黎唔好意思前唔好意思後先由佢(可能佢都見慣見熟)。唔想影響心情，繼續點餐。
叫左個常餐，淡芝士牛肉多士，老婆叫左個溫泉旦咖哩雞肉烏冬，老婆唔方便食太生嘅旦，想轉全熟旦，老細喺開放式廚房嗌出黎話轉要等九個字，呃鬼佬咩，蒸煮炆燉炸做晒都唔洗九個字啦，唔想同佢討論，叫佢另上算。
(其間偷聽到隔離枱問常餐通粉唔跟叉燒有無得轉其他餸，老闆又係嗌出黎話：「無得轉，一係就乜都唔好要」😰，睇黎老闆兩公婆都有d料黎)
食物終於上枱，常餐都穩打穩札，係餐牌上面明明係自家製炭燒叉燒，變左普通燒味鋪嗰隻，都明白實物實有出入，無太大問題；
個溫泉旦咖哩雞肉烏冬，可能我見識少，一心諗住係日式甜咖哩嗰隻，老婆一試，「頂，印度黎嘅」仲要都幾辣，老婆食左兩啖已經食唔到，咁我唯有同佢交換啦。
跟住到最大騙案，淡芝士牛肉多士，完全唔係嗰回事，應該叫「芝士淡牛肉面包」，根本就係兩塊無加工方包疊起，上面淋D 7-11肉醬意粉嘅醬上去，再撒d芝士起面頭😦😦。
今次真係完全感受到咩叫圖片與實物不符😠😠😠😠
仲有段小插曲，喺我地用餐嘅時候，有對男女拖隻狗狗入黎，伙記帶左佢地入位，仲幫佢地問隔離枱介唔介意，大家都ok咁就坐低。
到老闆娘見到有狗狗，就對住對男女大嗌，我原句收錄出黎：「有狗唔可以入黎，你地唔可以喺度食野！走呀走呀！」
個男嘅就好火咁話唔比入就帶位時就好講明，一路講一路X一路行出門口，個老闆係廚房聽到就即刻衝出門口捉住個男嘅互小，口角之後就例牌動武架啦，最後報警收場。
哩間垃圾冰室最適合一D對生活感到枯燥嘅人去幫襯，去完包你搵得返心入面嗰團火🔥🔥
張貼