沙龍

營業中

休息中

朋友唔多，所以真係要珍惜同感恩仍然記得同你補足生日嘅朋友仔呢個前同事由舊年開始同佢嘅關係去到可以去旅行，都算係大躍進。一齊經歷咗去台北同澳洲都冇反面，雖然我承認個過程中都有啲矛盾位。希望可以一直keep落去。今次係我獨遊途返嚟 佢就約我補返食生日飯。地點係我揀嘅，食我最鍾意嘅串燒（原先佢唔係提議呢間。）😜呢間之前食過一次 都知道要等好耐，因為得兩個人負責燒有好多人等住佢哋。亦都知道佢會有專人嚟講解一次嘅Menu先。（不過其實我哋覺得有少少多餘，因為佢一輪嘴講晒我都唔會記得）不過佢嘅出品都真係唔錯嘅。at least 我哋嗌咗咁多樣嘢九成都好食. 我嘅推介係明太子豆腐 、豬肉串同埋燒鮑魚 其實我哋要留定啲海鮮，留咗清酒煮花甲同埋燒鮑魚。有啲擔心燒鮑魚會好似擦子膠咁，又出奇地好味 啱啱好。花甲又冇估到佢份量咁多。好新鮮。豬肉串平時食開係雞肉，今次轉咗豬肉一樣咁好食，當然唔少得隻蛋啦另外朋友揀咗燒牛舌心，牛肩脊 唔知係咪因為去旅行食怕咗，食生牛肉撻撻食到嘔，所以而家對牛肉都唔係太有興趣。連燒飯團都冇嗌到都已經飽飽地！最後補多個開心果巴斯克蛋糕。完美嘅句號。