飲茶 (已結業)

同前老闆，舊同事聚餐，揀左間唔失禮嘅茶樓，唔講唔知呢度上面原來係酒店黎去飲茶飲茶點心好精緻，好適合打卡，味道都好正，唔係得個樣嫁去到比較早，大約十一二點，加上有book位，一入去就有得坐，但都有七八成滿座，食到一半開始好多人排隊，好彩早黎同有訂枱個腸粉，xo醬炒腸粉，龍井魚柳都係above average 價錢比普通茶樓貴，但喺尖沙咀呢個地段，有咁嘅質素，個cp值算幾高，值得再黎我自已就唔太好食包，但個包好精緻，所以都要試試佢！個流心奶黃包，叉燒包都唔錯，不過我比較鐘意食玫瑰花饅頭，有唔同味，個饅頭幾清香環境裝潢好靚，不過茶係每隻味收錢，個名同combination好特別，但係味道就無咩特別