轉角‧見

營業中

休息中

轉角‧見真的就是轉角見，餐廳就在荃昌中心地下一隅的角落位，雖然唔顯眼但一定唔會錯過，因為門口實在太多人排隊！轉角‧見主打漢堡包和奶昔，價錢相宜，份量十足，難怪吸引到一眾食客慕名前來。1. 型男漢堡推薦：⭐️⭐️⭐️✨十分足料的漢堡，有漢堡扒、煙肉、煎太陽蛋、芝士、蕃茄同菜。漢堡扒有中上水平，牛肉不會鬆散，份量夠足夠厚，肉汁都算飽滿；煙肉有油香，口感偏腍，來講個人偏好脆口乾身的煙肉；太陽蛋煎得恰到好處，但同時因為蛋漿爆開而食得比較狼狽。2. 催淚蝦堡推薦：⭐️⭐️⭐️✨蝦餅十分高質，即叫即炸，新鮮燙口；份量方面十分足料，每一啖咬開都見到佈滿蝦仁；口感方面則十分脆口，蝦肉彈牙；味道方面食得出蝦仁十分新鮮，汁水鮮美。至於所謂「催淚」就是用了芥末醬，但醬汁略嫌不夠，做唔催淚效果。3. 奶昔（朱古力，花生口味）推薦：⭐️⭐️⭐️⭐️花生口味的奶昔十分濃郁，味道有少少似SKIPPY，但濃郁之餘又不失奶味；又會不時飲到花生碎，增加飲品的層次和口感，可以一試。朱古力奶昔就中規中矩，但都飲到鮮明的奶味。