影片
更多
2021-07-16
49 瀏覽
真係好鍾意the salted pig 呢間餐廳😍😍尋日咁啱約兩個朋友都係葵涌返工，見新都會廣場有，即刻又去。風格同食開嘅尖沙咀有少少唔同，呢間就真係餐廳，不過都有好多款酒飲😍今次終於試到招牌德國鹹豬手啦，$298，足足1kg重😱😱寫話2人份量，但係我哋明明三個人都夠食，最後啲薯仔都食唔晒，份量驚人，味道都好好味，烤得啱啱好，皮脆肉嫩，又唔會好鹹，另外配埋芥末忌廉汁，好滋味，配菜嘅紅蘿蔔都勁甜，正。招牌菜咁heavy，梗係要叫個沙律平衡返🤣餐廳除咗豬，仲有好多其他野食，我哋就點咗個燒雞胸沙律，件雞胸又好大件，不過個人覺得唔夠味，如果加返啲燒汁就完美啦，沙律菜入面仲加咗菲達芝士，所以好好味。因為鹹豬手太勁，所以我哋冇再叫意粉或者飯，但係叫咗雞尾酒，所以又叫咗個小食送酒，就係我最鍾意食嘅nachos，呢度用新豬肉，食素嘅朋友都食得，上面加咗好多芝士同牛油果，好好味呀，我一個人食咗半碟，明明已經好飽，不過坐吓食吓，又食得落🤣最後三個人又貪得意叫咗個甜品，上面塊waffle好好味呀，暖暖地，脆脆地，甜甜地，加埋下面嘅雪糕，真係好正。最後要贊吓幾杯雞尾酒，以為會好hea，點知落重本，飲完一杯已經
尋日咁啱約兩個朋友都係葵涌返工，見新都會廣場有，即刻又去。風格同食開嘅尖沙咀有少少唔同，呢間就真係餐廳，不過都有好多款酒飲😍
今次終於試到招牌德國鹹豬手啦，$298，足足1kg重😱😱寫話2人份量，但係我哋明明三個人都夠食，最後啲薯仔都食唔晒，份量驚人，味道都好好味，烤得啱啱好，皮脆肉嫩，又唔會好鹹，另外配埋芥末忌廉汁，好滋味，配菜嘅紅蘿蔔都勁甜，正。
招牌菜咁heavy，梗係要叫個沙律平衡返🤣餐廳除咗豬，仲有好多其他野食，我哋就點咗個燒雞胸沙律，件雞胸又好大件，不過個人覺得唔夠味，如果加返啲燒汁就完美啦，沙律菜入面仲加咗菲達芝士，所以好好味。
因為鹹豬手太勁，所以我哋冇再叫意粉或者飯，但係叫咗雞尾酒，所以又叫咗個小食送酒，就係我最鍾意食嘅nachos，呢度用新豬肉，食素嘅朋友都食得，上面加咗好多芝士同牛油果，好好味呀，我一個人食咗半碟，明明已經好飽，不過坐吓食吓，又食得落🤣
最後三個人又貪得意叫咗個甜品，上面塊waffle好好味呀，暖暖地，脆脆地，甜甜地，加埋下面嘅雪糕，真係好正。
最後要贊吓幾杯雞尾酒，以為會好hea，點知落重本，飲完一杯已經好有feel，真係食得好開心🥳最後買單大概每人300，好開心嘅一餐，下次要再去再去再去😍
張貼
