Coti the Bistro (企業廣場)

營業中

休息中

約朋友到九龍灣食飯， 揀左企業廣場的Coti, 勝在唔使等位， 坐得舒適， 價錢又唔貴， 無人催我地走， 毫無壓力，夠曬chill。臨近萬聖節， 有新Menu, 我就揀左青檸芫荽蝦忌廉意粉（$78）夠曬熱，芫荽味唔重， 但都夠夠香味， 食落面條軟硬適中，好幼滑，個忌廉醬汁有少少鹹，蝦球開邊，乾淨鮮甜。日式紅酒燉牛肉飯（$98）牛肉帶少少甜味，不失口感。我鐘意個醬汁調味，白飯粒粒分明。棉花糖熱朱古力奶（$42）特別的日子加上天氣開始轉涼，揀左熱飲，造型超級可愛，係隻小熊，爆發少女心，極具心思技巧。焦糖布甸熱咖啡（$42）焦糖脆口， 甜而不膩。最正當然係手工巴斯克芝士蛋糕（$32）依舊香滑， 唔太甜， 賣相精緻。價錢合理， 服務好， 最緊要坐得舒適，食物味道好。